Das Wessobrunner Gebet

Textgrundlage:

Althochdeutsche Literatur

Herausgegeben, übersetzt

und mit Anmerkungen versehen

von Horst Dieter Schlosser

Frankfurt am Main 1970, S. 28

_______________________________________________________________________

Wessobrunner Gebet

(Südliches Bistum Augsburg, vor oder um 814, Pergament,

Bay. Staatsbibliothek München: Clm 22053, III, Bl.65v/66r)

De poeta.

Dat gafregin ih mit firahim        firiuuizzo meista,

Dat ero ni uuas        noh ufhimil,

noh paum        noh pereg ni uuas,

ni ‹sterro› nohheinig        noh sunna ni scein,

5

noh mano ni liuhta,        noh der maręo seo.

Do dar niuuiht ni uuas        enteo ni uuenteo,

enti do uuas der eino        almahtico cot,

manno miltisto,        enti dar uuarun auh manake mit inan

cootlihhe geista.        enti cot heilac.

Cot almahtico, du himil enti erda gauuorahtos enti du mannun so manac coot forgapi: forgip mir in dino ganada rehta galaupa enti cotan uuilleon, uuistóm enti spahida enti craft, tiuflun za uuidarstantanne enti arc za piuuisanne enti dinan uuilleon za gauurchanne.