Sacramentarium Gregorianum

_________________________________________________________

13.

Pridie kalendas ianuarias id est xxxi die mensis decembris natale sancti Siluestri papae

Da quaesumus omnipotens deus, ut beati Siluestri confessoris tui atque pontificis ueneranda sollemnitas et deuotionem nobis augeat et salutem: per.

Super oblata. Sancti tui nos quaesumus domine ubique laetificent, ut dum eorum merita recolimus, patrocinia sentiamus: per.

Ad completa. Praesta quaesumus omnipotens deus, ut de perceptis muneribus gratias exhibentes beneficia potiora sumamus: per.