Sacramentarium Gregorianum

_________________________________________________________

14.

Mense ianuario in octabas domini ad

sanctam Mariam ad martyres

Deus qui salutis aeternae beatae Mariae uirginitate fecunda humano generi praemia praestitisti: tribue quaesumus ut ipsam pro nobis intercedere sentiamus, per quam meruimus auctorem uitae suscipere:

Super oblata. Muneribus nostris quaesumus domine precibusque susceptis, et caelestibus nos munda mysteriis et clementer exaudi: per.

Ad completa. Haec nos communio domine purget a crimine et caelestis remedii faciat esse consortes: per.