Sacramentarium Gregorianum

_________________________________________________________

20.

xvii kalendas februarias id est xvi die mensis ianuarii

natale sancti Marcelli papae

Preces populi tui quaesumus domine clementer exaudi: ut beati Marcelli martyris tui atque pontificis meritis adiuuemur, cuius passione laetamur: per.

Super oblata. Suscipe quaesumus domine munera dignanter oblata, et beati Marcelli suffragantibus meritis ad nostrae salutis auxilium prouenire concede: per.

Ad completa. Satiasti domine familiam tuam muneribus sacris: eius quaesumus [domine] semper interuentione nos refoue, cuius sollemnia celebramus: per.