Sacramentarium Gregorianum

_________________________________________________________

24.

xii kalendas februarias id est xxi die mensis ianuarii

natale sanctae Agnae

Omnipotens sempiterne deus, qui infirma mundi eligis ut fortia quaeque confundas: concede propitius ut qui beatae Agnae martyris tuae sollemnia colimus, eius apud te patrocinia sentiamus: per.

Super oblata. Hostias domine quas tibi offerimus propitius suscipe, et intercedente beata Agna martyre tua uincula peccatorum nostrorum absolue: per.

Ad completa. Refecti cibo potuque caelesti deus noster te supplices exoramus, ut in cuius haec commemoratione percepimus, eius muniamur et precibus: per.