Sacramentarium Gregorianum

_________________________________________________________

26.

v kalendas februarias id est xxviii die mensis ianuarii

natale sanctae Agnae secundo

Deus qui nos annua beatae Agnae martyris tuae sollemnitate laetificas: da quaesumus, ut quam ueneramur officio, etiam piae conuersationis sequamur exemplo: per.

Super oblata. Super has quaesumus domine hostias benedictio copiosa descendat, quae et sanctificationem nobis clementer operetur et de martyrum nos sollemnitate laetificet: per.

Ad completa. Sumpsimus domine celebritatis annuae uotiua sacramenta: praesta quaesumus, ut et temporalis nobis uitae remedia praebeant et aeternae: per.