Sacramentarium Gregorianum

_________________________________________________________

29.

xvi kalendas martias id est xiiii die mensis februarii

natale sancti Ualentini

Praesta quaesumus omnipotens deus, ut qui beati Ualentini martyris tui natalicia colimus, a cunctis malis inminentibus eius intercessione liberemur: per.

Super oblata. Oblatis quaesumus domine placare muneribus, et intercedente beato Ualentino martyre tuo a cunctis nos defende periculis: per.

Ad completa. Sit nobis domine reparatio mentis et corporis caeleste mysterium, ut cuius exequimur actionem sentiamus effectum: per.