BIBLIOTHECA AUGUSTANA

 

Gregorius Magnus

ca. 540 - 604

 

Sacramentarium Gregorianum

 

_________________________________________________________

 

 

 

36.

Feria v ad sanctum Georgium

 

Deus qui culpa offenderis, poenitentia placaris, preces populi supplicantis propitius respice et flagella tuae iracundiae quae pro peccatis nostris meremur auerte: per.

Super oblata. Sacrificiis praesentibus domine quaesumus intende placatus, ut et deuotioni nostrae proficiant et saluti: per.

Ad complendum. Caelestis doni benedictione percepta supplices te deus omnipotens deprecamur, ut hoc idem nobis et sacramenti causa sit et salutis: per.

Super populum. Parce domine parce populo tuo, ut dignis flagellationibus castigatus in tua miseratione respiret: per.