Gregorius Magnus
ca. 540 - 604
|
Sacramentarium Gregorianum
|
_________________________________________________________
|
|
39.Feria ii ad sanctum Petrum ad uincula
Conuerte nos deus salutaris noster, et ut nobis ieiunium quadragesimale proficiat, mentes nostras caelestibus instrue disciplinis: per.Super oblata. Munera domine oblata sanctifica, nosque a peccatorum nostrorum maculis emunda: per.Ad complendum. Salutaris tui domine munere satiati supplices exoramus, ut cuius laetamur gustu, renouemur effectu: per.Super populum. Absolue quaesumus domine nostrorum uincula peccatorum, et quidquid pro eis meremur propitiatus auerte: per. |