Sacramentarium Gregorianum

_________________________________________________________

45.

Die dominico uacat

Deus qui conspicis omni nos uirtute destitui, interius exteriusque custodi, ut et ab omnibus aduersitatibus muniamur in corpore, et a prauis cogitationibus mundemur in mente: per.

Super oblata. Sacrificiis praesentibus domine quaesumus intende placatus, ut et deuotioni nostrae proficiant et saluti: per.

Ad complendum. Supplices te rogamus omnipotens deus, ut quos tuis reficis sacramentis, tibi etiam placitis moribus deseruire concedas: per.