Gregorius Magnus
ca. 540 - 604
|
Sacramentarium Gregorianum
|
_________________________________________________________
|
|
46.Feria ii ad sanctum Clementem
Praesta quaesumus omnipotens deus, ut familia tua, quae se affligendo carne ab alimentis abstinet, sectando iustitiam a culpa ieiunet: per.Super oblata. Haec hostia domine placationis et laudis tua nos propitiatione dignos efficiat: per.Ad complendum. Haec nos communio domine purget a crimine et caelestis remedii faciat esse consortes: per.Super populum. Adesto supplicationibus nostris omnipotens deus, et quibus fiduciam sperandae pietatis indulges, consuetae misericordiae tribue benignus effectum: per. |