Gregorius Magnus
ca. 540 - 604
|
Sacramentarium Gregorianum
|
_________________________________________________________
|
|
49.Feria v ad sanctam Mariam trans tiberim
Praesta nobis domine quaesumus auxilium gratiae tuae, ut ieiuniis et orationibus conuenienter intenti liberemur ab hostibus mentis et corporis: per.Super oblata. Praesente sacrificio nomini tuo nos domine ieiunia dicata sanctificent, ut quod obseruantia nostra profitetur exterius interius operetur effectum: per.Ad complendum. Gratia tua nos quaesumus domine non derelinquat, quae nobis opem semper adquirat: per.Super populum. Adesto domine famulis tuis et perpetuam benignitatem largire poscentibus, ut his qui te auctore et gubernatore gloriantur, et congregata restaures et restaurata conserues: per. |