Gregorius Magnus
ca. 540 - 604
|
Sacramentarium Gregorianum
|
_________________________________________________________
|
|
55.Feria iiii ad sanctum Syxtum
Praesta nobis quaesumus domine, ut salutaribus ieiuniis eruditi a noxiis quoque uitiis abstinentes propitiationem tuam facilius impetremus: per.Super oblata. Suscipe quaesumus domine preces populi tui cum oblationibus hostiarum, et tua mysteria celebrantes ab omnibus nos defende periculis: per.Ad complendum. Sanctificet nos domine qua pasti sumus mensa caelestis, et a cunctis erroribus expiatos supernis promissionibus reddat acceptos: per.Super populum. Concede quaesumus omnipotens deus, ut qui protectionis tuae gratiam quaerimus, liberati a malis omnibus secura tibi mente seruiamus: per. |