Sacramentarium Gregorianum

_________________________________________________________

60.

Feria ii ad sanctos quattuor coronatos

Praesta quaesumus omnipotens deus, ut obseruationes sacras annua deuotione recolentes et corpore tibi placeamus et mente: per.

Super oblata. Oblatum tibi domine sacrificium uiuificet nos semper et muniat: per.

Ad complendum. Sumptis domine salutaribus sacramentis ad redemptionis aeternae quaesumus proficiamus augmentum: per.

Super populum. Deprecationem nostram quaesumus domine benignus exaudi, et quibus supplicandi praestas affectum, tribue defensionis auxilium: per.