Gregorius Magnus
ca. 540 - 604
|
Sacramentarium Gregorianum
|
_________________________________________________________
|
|
64.Feria vi ad sanctum Eusebium
Deus qui ineffabilibus mundum renouas sacramentis: praesta quaesumus, ut ecclesia tua aeternis proficiat institutis et temporalibus non destituatur auxiliis: per.Super oblata. Munera nos domine quaesumus oblata purificent et te nobis iugiter faciant esse placatum: per.Ad completa. Haec nos quaesumus domine participatio sacramenti et propriis reatibus indesinenter expediat et ab omnibus tueatur aduersis: per.Super populum. Da quaesumus omnipotens deus, ut qui infirmitatis nostrae conscii de tua uirtute confidimus, sub tua semper pietate gaudeamus: per. |