Gregorius Magnus
ca. 540 - 604
|
Sacramentarium Gregorianum
|
_________________________________________________________
|
|
71.Feria vi ad sanctum Stephanum
Cordibus nostris domine benignus infunde, ut peccata nostra castigatione uoluntaria cohibentes temporaliter potius maceremur, quam suppliciis deputemur aeternis: per.Super oblata. Praesta nobis misericors deus, ut digne tuis seruire semper altaribus mereamur et eorum perpetua participatione saluari: per.Ad completa. Sumpti sacrificii domine perpetua nos tuitio non relinquat, et noxia semper a nobis cuncta depellat: per.Super populum. Concede quaesumus omnipotens deus, ut qui protectionis tuae gratiam quaerimus, liberati a malis omnibus secura tibi mente seruiamus: per. |