Evangelistarium

fol. 5v-6r

Lc. 2:21-32

Die I ianuarii

____________________________________________________________

Manuscriptum

In octava Domini.

Sequentia sancti evangelii

secundum Lucam.

2:21

In illo tempore. Postquam consummati sunt dies octo, ut circum­cideretur puer, vocatum est nomen eius Ihesus, quod vocatum est ab angelo, priusquam in utero conciperetur.

2:22

Et postquam impleti sunt dies purgationis eius secundum legem Moysis, tulerunt illum in Hierosolymem, ut sisterent eum Domino,

2:23

sicut scriptum est in lege Domini: Quia omne masculinum adaperiens vulvam sanctum Domino vocabitur,

2:24

et ut darent hostiam secundum quod dictum est in lege Domini: par turturum aut duos pullos columbarum.

2:25

Et ecce homo erat in Hierusalem, cui nomen Simeon, et homo iste iustus et timoratus, exspectans consolationem Israel, et Spiritus Sanctus erat in eo;

2:26

et responsum acceperat a Spiritu Sancto non visurum se mortem nisi prius videret Christum Domini.

2:27

Et venit in Spiritu in templum. Et cum inducerent puerum Iesum parentes eius, ut facerent secundum consuetudinem legis pro eo,

2:28

et ipse accepit eum in ulnas suas et benedixit Deum et dixit:

2:29

Nunc dimittis servum tuum, Domine,

secundum verbum tuum in pace,

2:30

quia viderunt oculi mei salutare tuum,

2:31

quod parasti ante faciem omnium populorum,

2:32

lumen ad revelationem gentium

et gloriam plebis tuae Israel.