Evangelistarium

fol. 7v-8r

Io. 1:29-34

____________________________________________________________

Manuscriptum

In octava theophaniae

Sequentia sancti evangelii

secundum Iohannem.

1:29

In illo tempore. Vidit Iohannes Ihesum venientem ad se et ait: Ecce agnus Dei, qui tollit peccatum mundi.

1:30

Hic est, de quo dixi: Post me venit vir, qui ante me factus est, quia prior me erat.

1:31

Et ego nesciebam eum, sed ut manifestetur Israhel, propterea veni ego in aqua baptizans.

1:32

Et testimonium perhibuit Iohannes dicens: Quia vidi Spiritum descen­dentem quasi columbam de caelo, et mansit super eum;

1:33

et ego nesciebam eum, sed, qui misit me baptizare in aqua, ille mihi dixit: Super quem videris Spiritum descendentem et manentem super eum, hic est qui baptizat in Spiritu Sancto.

1:34

Et ego vidi et testimonium perhibui quia hic est Filius Dei.