BIBLIOTHECA AUGUSTANA

 

Evangelistarium Sangallense

875 - 900

 

Evangelistarium

 

fol. 10v-11r

Mc. 6:1-5

 

____________________________________________________________

 

 

 

Manuscriptum

 

Feria VI

Sequentia sancti evangelii

secundum Marcum.

 

6:1

In illo tempore. Egressus Ihesus venit in patriam suam: et sequebantur illum discipuli sui:

6:2

et facto sabbato coepit in synagoga docere: et multi audientes admirabantur in doctrina eius, dicentes: Unde huic haec omnia? et quae est sapientia, quae data est illi, et virtutes tales, quae per manus eius efficiuntur?

6:3

Nonne iste est faber, filius Mariae, frater Iacobi, et Ioseph, et Iudae, et Simonis? nonne et sorores eius hic nobiscum sunt? Et scandalizabantur in illo.

6:4

Et dicebat illis Ihesus: Quia non est propheta sine honore nisi in patria sua, et in cognatione sua, et in domo sua.

6:5

Et non poterat ibi virtutem ullam facere, nisi paucos infirmos inpositis manibus curavit.