Evangelistarium

fol. 42r-42v

Ih. 9:45-59

____________________________________________________________

Manuscriptum

Dominica quinta

Sequentia sancti evangelii

secundum Iohannem.

9:45

In illo tempore. Dicebat Ihesus turbis Iudaeorum et principibus sacerdotum. Si veritatem dico, quare non creditis mihi.

9:46

Quis ex vobis arguet me de peccato? si veritatem dico, quare non creditis mihi?

9:47

Qui est ex Deo, verba Dei audit. Propterea vos non auditis, quia ex Deo non estis.

9:48

Responderunt ergo Iudaei, et dixerunt ei: Nonne bene dicimus nos quia Samaritanus es tu, et daemonium habes?

9:49

Respondit Ihesus: Ego daemonium non habeo: sed honorifico Patrem meum, et vos inhonorastis me.

9:50

Ego autem non quaero gloriam meam: est qui quaerat, et iudicet.

9:51

Amen, amen dico vobis: si quis sermonem meum servaverit, mortem non videbit in aeternum.

9:52

Dixerunt ergo Iudaei: Nunc cognovimus quia daemonium habes. Abraham mortuus est, et prophetae; et tu dicis: Si quis sermonem meum servaverit, non gustabit mortem in aeternum.

9:53

Numquid tu maior es patre nostro Abraham, qui mortuus est? et prophetae mortui sunt. Quem teipsum facis?

9:54

Respondit Ihesus: Si ego glorifico meipsum, gloria mea nihil est: est Pater meus, qui glorificat me, quem vos dicitis quia Deus noster est,

9:55

et non cognovistis eum: ego autem novi eum. Et si dixero quia non scio eum, ero similis vobis, mendax. Sed scio eum, et sermonem eius servo.

9:56

Abraham pater vester exultavit ut videret diem meum: et vidit, et gavisus est.

9:57

Dixerunt ergo Iudaei ad eum: Quinquaginta annos nondum habes, et Abraham vidisti?

9:58

Dixit eis Ihesus: Amen, amen dico vobis, antequam Abraham fieret, ego sum.

9:59

Tulerunt ergo lapides, ut iacerent in eum: Ihesus autem abscondit se, et exivit de templo.