<<< operis indicem  <<< retro  porro >>>



B  I  B  L  I  O  T  H  E  C  A    A  U  G  U  S  T  A  N  A

 

 

 

 
Statuta communis Bugellae
1245/1348
 


 






 



S t a t u t a 
C o m m u n i s
B u g e l l a e



R U B R I C A   I I
D E   C R E D E N T I A

________________________________


45.
[I]
NON UENIENS AD CREDENTIAM
UEL SEDENDO LOQUENS
QUALITER PUNIATUR.


Statutum est et ordinatum quod omnes credentiarij veniant ad credenciam quando pulsabitur uel precipietur. et qui ibi non fuerit antequam consul incipiat concionem soluat bannum sol. VIIII. pp. et qui dixerit aliquid. In credencia dum aliquis concionauerit soluat simile bannum.

46.
[II]
CONTRA PRECEPTA
CONSULUM LOQUENS IN
CREDENTIA PUNIATUR.


Item statutum est quod qui dixerit aliquid in credencia postquam consul preceperit ei quod taceat soluat bannum sol. V. pp. et tantum plus. quantum consules preciperent. et consules teneantur excutere bannum et facere acordari incontinenti et poni in libro comunis sicut alia banna.

47.
[III]
ANTE QUAM IURET
UENIENS AD CREDENTIAM
PUNIATUR.


Item statutum est quod qui venerit ad credenciam et non Jurauerit ipsam. soluat bannum sol. V. pp. pro qualibet uice. nisi habuisset licenciam a consulibus. et hoc Intelligatur tantum de illis qui steterint cum credenciariis.

47.
[IIII]
ACTENDI DEBENT QUE
FUERINT PER MAIOREM
CREDENTIE ORDINATA.


Item statutum est quod totum hoc quod ordinabitur per credenciarios uel maiorem partem. seu per illos qui fuerint ad hoc constituti obseruetur. dum modo hoc iuste et racionabiliter factum sit.

49.
[V]
NON HABEAT HONOREM
UEL OFFITIUM IN COMMUNI
QUI NON EST HABITATOR
ET QUI RECUSAT
HONERA SUBSTINERE.


Item statutum est quod aliquis qui non soluat fodra et banna comuni bugelle. et qui non sit habitor bugelle. non possit esse de credencia nec de consilio. nec habere aliquod officium dicti comunis.

50.
[VI]
DE QUIBUS BANNIS NON
LICEAT GRATIAM IMPETERTIRI.


Item statutum est quod aliqua gracia non possit fieri de aliquo banno ludi. furti. ferute. uel qui trassisset arma. nec a;icui qui steterit bannitus comunis bugelle ultra menssem unum. nec de aliquo banno rupto uel Judicato.

51.
[VII]
IN PRESENTIA PETENTIS
GRATIAM NUNQUAM
RESPONDEATUR.


Item statutum est quod si quis pecierit uel requisierit aliquid a comuni consules et credenciarij habeant conscilium simul sine illo qui pecierit antequam respondeant ei. Et ille qui responderet sine voluntate credencie soluat bannum sol. X. pp. Set sic respondeatur per consules. domine nos audiuimus libenter uerba vestra tamquam domini et amici nostri et super hiis diligenter habebimus conscilium. et vobis respondebitur secundum voluntatem et perceptum credencie. et tunc habeant conscilium respondendi per voluntatem credencie.

52.
[VIII]
DONUM FIERI NON POTEST
NISI MAGISTRALIJS
PRIMITUS CONUOCATUS.


Item statutum est quod si aliquis homo vel femina cuiuscumque conditionis si pecierit aliquid a Credentia seu a Comuni Bugelle Consules et Credentiarij non possint nec debeant facere aliquam responsionem nec aliquod donum. donec conuocauerint Consules cuiuslibet Mestralie. qui similter conuocare debeant omnes illos de eorum paraticis et habito conscilio cum ipsis liceat ipsis Consulibus paraticorum ducere ad Credentiam. VI. uel. VIII. aut usque ad. XII. de melioribus cuiuslibet paratici et tunc fiat responxio de Conscilio et uoluntate Credentiariorum et mestralium qui fuerint ad credentiam uel maioris partis ipsorum. Aliter uero responxio sit cassa irrita et nullius ualoris atque momenti. Et hoc Capitulum siue statutum sit et esse intelligatur Ita et taliter precisum quod non possit nec debeat cassari nec irritare per totum tempus consulum qui iurauerint et quod quelibet maystraria faciat responsionem sui consilij et singulariter. aliter facta responsio pro nulla habeatur nec teneatur. et eodem modo teneantur consulere super quamcumque causam de qua conscilium daretur in credentia.

53.
[VIIII]
QUALITER ELECTORES
CONSULUM ET
CONSULES ELIGANTUR.


Item statutum est quod in Credentia pulsata et congregata ad sonum canpane more solito eligantur. XII. homines ad breue datum inter omnes Credentiarios, qui iurent eligere bonos et ydoneos Consules duos de Placio et duos de Plano. et. VIII. illorum. XII. habeant potestatem eligendi predictos si fuerint in concordia. Ita tamen quod aliquis ipsorum electorum non possit esse Consul.

54.
[X]
QUALITER ELECTORES
OFFITIALIUM ET OFFITIALES
SINT ELIGENDI.


Item statutum est quod alij. XII homines electi ad breue datum in credentia iurare debeant eligere omnes officiales Comunis illius anni et octo illorum si fuerint in concordia possint ipsos officiales eligere. Ita tamen quod aliquis de predictis electoribus non possit esse officialis preter Clauarium et hoc statutum fit et esse debeat perpetuo precisum ita quod non posit poni in credentia quod aliter electio fiat. nec per ipsam credentiam dispensari. et si contra factum fuerit. cassum sit et irritum ipso iure.

55.
[XI]
QUALITER ELECTORES CONSULUM
ET OFFITIALIUM ELIGENDI
POTESTATE PRIUENTUR.


Item statutum est quod si predicti electores consulum et officialium non se concordarent de faciendis predictis electionibus sicut superius determinatur et starent tantum ad concordendum se de predictis quod una candela de uno pede esset combusta et finita quod electio ipsorum reuertatur ad credentiam, et eligatur unum Camparium in Pauignano.

56.
[XII]
QUOD ORDINATUM EST
POTEST MAIOR PARS
CREDENTIE IMMUTARE.


Item statutum est quod Credentia possit crescere diminuere et mutare ea de quibus maior pars fuerit in concordia ad honorem et utilitatem domini Episcopi et ecclesie Vercellensis et Comunis Bugelle saluo quod pro illo anno quo consules iurauerint super statutis quod nichil fieri possit in illo anno contra statuta.

57.
[XIII]
PENA PROPONENTIS
ALIQUID ANTE QUAM PROPOSITA
PER CONSULES FUERINT
REFORMATA.


Item statutum est quod quousque fuerit facta reponsio et datum conscilium super proposita facta per Consules nullus Credentiarius debeat aliquid aliud proponere uel allegare sine licentia Consulum. Et qui contrafecerit soluat bannum. sol. V. pp. Et Consules teneantur excutere illa banna sicut alia et ante quam exeant de credencia facere ipsa acordari.

58.
[XIIII]
QUANDO UALEAT INSTRUMENTUM
GRATIE QUE FIT PER COMUNE
ET PENA NOTARIJ QUI FACIT
INSTRUMENTUM CONTRA
FORMAM STATUTORUM.


Item statutum est quod si carta aliqui facta fuerit habitarie siue alicuius alterius facti que pertineat comuni bugelle. quod ipsa carta legatur et examinetur in publica credencia. seu in conscilio. et si aprobata fuerit. reddatur per notarium qui eam fecerit ei cuius fuerit. Alioquim si contrafactum fuerit. sit cassa et irrita. Insuper notarius qui cartam fecerit tenetur dare similem clauario comunis sumptibus illius qui eam pecierit a comuni. et clauarius tenetur eam ponere in scrineo comunis cum sociis suis. Et notarius qui contrafecerit soluat bannum pro quolibet et qualibet uice sol. XX. pp. Et consules teneantur inquirere.

59.
[XV]
PENA FORENSIS EUNTIS
AD CONUOCATIONEM FACTAM
RATIONE COMUNIS.


Item statutum est quod aliqua persona que non sit de bugella seu recepta in habitatorem comunis bugelle non audeat vel presumat Ire ad aliquam coadunationem seu conuocationem que fiat per maystralias ad petitionem comunis bugelle seu de mandato consulum uel comunis predicti loci uel ratione dicte comunitatis. Et qui contra fecerit soluat pro quolibet et qualibet vice sol. V. et consules illius paratici qui eos admiserint soluant pro quolibet et qualibet vice sol. X.
 
 
 
<<< operis indicem  <<< retro  porro >>>