Epistolae Caroli Aurelianensis

(ab Antonio scriptae)

Epistula I

_________________________________________________________

Parisiis, die XIIII Novembris MCCCCXLVIII.

Dilectis et fidelibus nostris, comunitati, consilio et civibus civitatis nostre Ast. – Karolus, dux Aurelianensis et Mediolani, etc. Dilecti fideles nostri, dignis impulsi causis longiorem quam crederemus in hac urbe moram fecimus; tamen apud serenissimum dominum nostrum Regem rem nostram ita peregimus quod de ipsius auxilio nobis exhibendo certi sumus. Qua ex causa illustres fratres nostros ad Majestatem regiam comitem J. Angulomensem et comitem Dunensem nunc mittimus, ut nobis promissa sine mora effectum consequantur. Interea vero nequicquam temporis conteratur, hac septimana hinc recessuri sumus, iturique ad illustrem fratrem nostrum ducem Burgundie et omnem diligentiam facturi, ut genies armigeras ab ipso nobis promissas statim in Lombardiam transmittamus. Ab illustri quoque Britannie duce auxilium habere jam certi sumus, pro quo in effectum nunc perducendo ad ipsum denuo mittimus. De quibus omnibus brevi magna cum omnium vestrum leticia efficiemini certiores per dilectum nostrum dominum Johannem Focaudi vel aliunt conductorem quem cum parte ipsarum gentium ad vos mittere ante sanctissima Christi Dei nostri Natalicia confidimus. Nos item, cum apud ipsum ducem Burgundie negocia vestra expedierimus, versus Lombardiam cum reliqua armatorum multitudine iter nostrum celeriter capiemus, quia rem sic exigere intelligimus. Et profecto omnis mora nostra, quam vobis molestam esse scimus, non minus nobis molesta est. Quippe qui metuimus eam fore nobis damnosam. Ideoque omni ex parte quantum possumus rem ipsam acceleramus. Forte tamen omnipotentis Dei favore nobis fructuosa fuerit. Datum Parisius, die XIIII Novembris MCCCCXLVIII.

Karolus.

Antonius.

____________

Synthèse: Charles d'Orléans, aussitôt son retour à Paris, écrivit le 14 novembre 1448) à la ville d'Asti, une lettre de chaleureux encouragement: il se disait sur de l'appui du roi de France, auquel il envoyait Dunois et le comte d'Angoulême, pour lui rappeler ses promesses; sûr du duc de Bretagne, auquel il dépêchait aussi une ambassade; sûr du duc de Bourgogne, qu'il allait trouver lui-même pour presser les mouvements. Bientôt il reviendrait en Lombardie à la tête de ses troupes; sa hâte était extrême; il se sentait plein de confiance et d'ardeur.

Toutes ces lettres, dont le style légèrement charlatanesque tranche si singulièrement avec les habitudes paisibles du prince, portent la signature du lombard Antonio Astesano, le secrétaire que Charles d'Orléans venait de ramener d'Asti.