Vir nemoris

Liber I

___________________________________________________

corde subit laeuum et durae mens conscia sortis,

uenimus. Extemplo euento celebratur et auctrix.

Fit clamor resonatque altis in montibus acto

monstratam interea pugnatu faustumque laborem

[14]

450

iactibus aequamus lapidum. Reuoluta resultant

saxa secantque leues auras et stridula in hostes

frustra uibrant secumque trahunt uoluuntque agitantque

praeruptas inter rupes hostilia passim

corpora, discerpto cerebro spirantia et extis.

455

Fortiter instamus. Crepitans ceu grandinis imber,

undique saxa pluunt. Acies hinc obruta nimbis

miscetur coeptisque deest atque ordine nullo

labitur in praeceps palantesque undique turbae,

ceu capreae in cliuis nullo custode fugaces,

460

fusis pone armis saliuntque ruuntque labantes.

Tandem conueniunt campo probroque rubentes

obliquant oculos sursum, caput inde reclinant.

At nos certatim fusi perquirimus arma

sparsasque exuuias mixtoque cruore tepentem

465

colligimus praedam. Grato tum pondere onusti

atque triumphali celebrantes gaudia plausu,

tendimus in notas sedes. Hic gloria, nomen,

dexteritas, uirtus muliebris ad astra feruntur.

Prima haec erexit socios uictoria, rebus.

[109 ^r]

470

nunc ausi adflictis melius confidere. Amica

noscitur ulna diuum actis et ueneratur agendis.

Curas interea comitum tristesque ruinas

solabar dictis: «Fortes durate labori,

audentesque malis, Caeli neu credite iussis,

475

uos, quibus o totiens tot adire pericula Martis,

contigit: his tandem (promissis fidite diuum)

finis erit. Patriae ne desperate salutem,

res bona nostra diis hominumque grauissima curis,

――――――

108^v, 447 auctor T² T³ V // 448 acto conieci: **to T io T² uac. V // 450 iactibus aequamus conieci: sactibus aquamus err. T V // 109^r, 469 ersexit T V // 470 ausa V // 471 noscitur ulna diuum T: dextra iouis patet hic T² V.