Vir nemoris

Liber I

___________________________________________________

et sacrum late horrorem praecordibus infert.

Tendimus huc celeres, quodam ceu flamine ducti

545

et petimus cliuum nebulamque subimus opacam

luce sub obscura et clara spectabilis umbra

per dubia incertum trames regit auia gressum

nubibus obducto ceu sera crepuscula caelo

incumbunt, tremulo terram dum lumine adumbrat.

[110 ^v]

550

dumque casam agricolis notat nox serotina tutam.

Sic circum ancipiti pede per loca caeca uagantes

fallaces cura salebras scrutamur inani.

Caligant oculi et sinuoso inuoluimur orbe,

stipitibus clauso arboreis et rupibus altis.

[17]

555

Nec modus ire subit, nec spes euadere restat.

Terque quaterque aditus frustra rimamur ubique

et ter opem frustra diuumque hominumque precamur.

Huc ergo fracti bello tectisque fugati,

huc ergo aduehimur? Datur haec tutissima sedes?

560

Hoc erat indictum mihi Libertatis asylum

pollicitumque diis? Ergo neque numina uictis

sancta fidem seruant? Tantum miserabile uinci!

Optatas tandem sedes qua immane barathrum

praeruptas aperit fauces, qua plurima opacat

565

umbra sinus nebulaque ingens specus aestuat atra

uenimus. Insueta simulacrum luce relicta

se immanis foueae penetralibus abdidit imis,

nosque graui uelut exonerati pondere, anhelo

cernimus ore auras. Est dulce quiescere. Grates

570

soluimus inde diis et uota futura dicamus.

Sibilus interea arcessit de more molossos.

Hi cito conueniunt alacres tremulamque uolutant

multiuago caudam flexu et latera undique miscent.

Tunc nostrum senior, multis expertus in annis,

575

ingenium nouisse canum uariosque peritus

perlegere ex oculis rictuque et uellere mores,

――――――

110^v, 549 adumbrat T: adum err. V // 550 dumque ... nox serotina correxi: serotina uidetur T dumque casam falsis maior notat umbra colonis tutam T² dumque ... colonis V // 554 sipitibus err. V // 567 fouae err. V.

[111 ^r]