Vir nemoris

Liber I

___________________________________________________

colligit et putres fungos et tubera nigra

fragaque et asparagos molles et agrestia pruna

610

fraxineaque simul pendentes fronde labruscas.

Mixtaque dein torret flagrantibus omnia prunis,

sic enixa suos natura. Hic integra foetus

comiter illaesos nullo cogente ministrat.

Sic nullo intinctu, solum condita uoraci

615

mensa fame atque epulis parce composita inemptis.

demulcet suco uentris lamenta salubri

quodque satis uitae praebet nimiumque repellit.

Heu! Quam dulce sitim riuo sedare fluenti!

Margine, qui uiridi pubentes educat herbas,

620

natiua Iouis uincit dulcedine nectar!

Seu labra frigidulo sitibunda apponere saxo,

quo fons luxurians salientibus aestuat undis,

et tenui placidos instillat murmure somnos,

quos lasciua leui blanditur et aura susurro,

[19]

625

quin uigilum infestet curarum garrula turba,

aut importuni excutiat uox aspera Galli!

Quam dulce agresti prosternere corpora strato,

cui praebet crispum frondens erioxylon arbos,

et patulae folium fagi uirideque genistae,

[112 ^r]

630

cui longaeua larix praebetque patamina buxus!

Quam bene populea fessi recubamus in umbra,

pampineis ulmis et frondenti abiete mixta,

frigidulam denso quae tegmine temperat auram

serpit ubi obliquo complexa uolumine truncos

635

alba hedera et frontem circumdat onusta corymbis

igne ubi flammigero prunisque calemus et igni

myrta bacca urens et nux dat pinea odorem!

Matutina iugo surgentis nuntia lucis

leniter hic perflans delabitur aura superne

640

spritibusque sagax instillat flamine acumen,

――――――

111^v, 615 paratur coena fame et dapibus quae cruda inemptis T^2mg V // 623 instillat correxi: adstillat V T // 625 garrula T: noxia T² V // 112^r, 629 folium fagi uirideque correxi: folios ... uiridesque T ramos ... uiridesque T² V // 631 fossi err. V.