Vir nemoris

Liber I

___________________________________________________

Hoc sanctae hospitium fidei, hoc est pacis asylum.

675

Hic socialis amor, dulci hic concordia nexu

corda simul uincit, quam non urbana dolosis

blandimenta modis turpant quaesitaque uerba

mendaci liniunt fuco mentemque animumque

lingua tegit simulatque cauo male consona cordi.

680

Omnibus est frontis color unus et una uoluntas

explicat ingenuo mentem sermone uicissim,

subdola quin repat fraus aut uis improba uiles

exigat illecebras, quin et status opprimat impar

communem hic terram pes liber ubique peragrat,

[113 ^r]

685

qua sitis acris opum nec saxum limitis imber.

nec fixit fines atque propria iura locauit,

propria iura soli, nimium contraria iuri

naturae et primi letalia semina belli,

quo seruile iugum, quo fonte cruenta tyrannis

690

inque alios homines hominum metuenda potestas

prodita. Iura soli quibus, heu, sub imagine pacis,

Libertatis honos et uitae iura dicata!

Dulces o nimium siluae! Sed quid mihi amari

dulcia permiscet? Qua taetro cura ueneno

[21]

695

anxia perfundit uenas sucoque cicuta?

Integra uos equidem condit dulcedo: sed ignis

carpit edax ultorque animum miserandaque semper

membra quatit rabidumque haeret sub pectore uulnus.

O Patria! O ciues! O dulcia nomina et ingens

700

Libertatis honos! O spes fidissima Cyrni,

et decus et columen! Sine te quid denique restat?

Quid iuuat aerumnas ipsamque illudere uitam

abdere seque sibi per opaca silentia siluae?

Fallimur incassum. Patriae quis fallet amorem?

705

Tu, tu, dulcis amor, renouas in corde dolorem

luctumque instillas. Per te nemus, horror et umbra,

mons, antrum flumenque et uallis et aura susurrans

――――――

112^v, 674 sante err. V // 113^r, 684 per agrat err. V // 685 imber T: index T² T³ V // 686 atque T³: et T V // 690 iuque err. V // 693 amari T³: amori T V // 706 instillas correxi: adstillas T V.

[113 ^v]