Vir nemoris

Liber II

___________________________________________________

proelia promentes animam per uulnera et ictus.

Hic praeerat Ductor cui nobilis ora rigabat

sudor et hic ciues tacitus circumuenit hostis.

130

O pons! O flumen! Patriae monumenta ruinae!

En memoranda subest regio, quae sanguine ab uno

plures parta duces, patriae fulcimina, claros.

consilio, pietate graues belloque potentes.

Sed tantis nunc orba uiris squalere uidetur,

135

obruta flere domus uiduataque moenia clausis

maerorem instillant portis iamque herbula nigrans

tecta operit mussatque auris agitata. Molossi

forte duo seruant ululantes saeua penates

fraternos et bubo domum circumuagus umbram

[6]

140

nuntiat illustrem patris, dum stemmatis ensem

torquet adhuc patrii de culmine dextera surgens.

Hic gens armorum studiis asperrima semper

prodita, contemptrix uitae, quare orba marito

sponsa terit thalamos uitta redimita nigranti

145

et februis tumulum lacrimis cineresque parentat

solaue uociferans ossa intumulata requirit.

Ergo Nouum Pontem fluuiali in margine flentes

pupilli patrio tepefactum sanguine abhorrent.

Interea decedit hiems longosque reducit

[118 ^v]

150

soles uerna dies floresque auraeque tepentes

formosum instaurant annum, redimita uirenti

luxuriant arbusta coma, breuis umbra pruinis

egelidis nocturna tepet, nix deflua rupes

detegit et iam dorsa iugi nudata rigescunt.

155

Hic iuuat ergo frui grata statione. Locorum

aspera demulcet pubescens temporis aetas

et locus ipse moras quadam dulcedine captat.

Hac etenim uario pascuntur lumina uisu

et meminisse iuuat quae non meminisse iuuaret.

160

Huc licet hostiles lustrando aduertere motus,

――――――

118^r, 132 plures parta duces T: tot tulit heroas T³ V // 134 squallere err. T V // 136 instillant correxi: adstillant T // 146 solaue correxi: solaque T.