Vir nemoris

Liber II

___________________________________________________

tot clari unde uiri. Dum recti semina iecit,

condidit et primus socialem legibus urbem

moribus hinc leges et mores legibus aequans.

475

Iamque breui optata populos in pace regebat

atque dabat formam iuri popularibus aequam

conciliis, mentesque rudes desuetaque alebat

ingenia, et patriam uirtutem artesque serebat.

O surgentis adhuc felicia tempora Cyrni,

[<124 ^r>]

480

heu inuisa nimis propere mortalibus et dis!

Libertatis honos et libera ubique potestas

siue foro, aut tectis aderat discrimine nullo.

Nec generis spectrum antiqui, nec splendor inanis

stemmatis atque domus, argenti pondus et auri,

485

librabant animos hominum meritumque ferebant,

publica sed tantum uirtus sua munera habebat

quamuis paene latens et fortia facta uirorum.

Sic naturae hominum grauitas ueneranda decorem

hausit natiuum primaeuaque iura resumpsit.

490

Interea fractos bello terraeque marisque

late e uisceribus patriae dimouerat hostes,

litoris et modicas inter cito clauserat urbes.

Quin etiam patria contextas abiete naues

saepius arte noua Ligures euexit ad oras

495

turbauitque mare exuuiis praedaque cruenta

fudit ubique metum. Placidae sic moenia pacis,

et pariter belli monstrabat ciuibus artem,

ut sint armorum studio et dicione potentes

quippe forent equidem, sinerent si tempora et aer

[19]

500

nos procul a Gallis aleret Scotisque propinquis.

Iam prope libertas pulso tenet hoste triumphum

et mellita uiris dat praemia parta cruore.

Hic tum status erat, cum uos, male fida propago,

nostra sub infami carpsistis litora uultu.

505

Haec prima exitii labes, haec prima malorum

causa fuit. Ficto praetextae sub omine pacis

culpa latet uersatque animum de more fouetque

blanditiis implexa dolos. Hinc machina paruo

――――――

124^r, 481 cuique T² Tom // 503 tum status hic rerum T².

[124 ^v]