Vir nemoris

Liber II

___________________________________________________

Interea inuentis struit excita subdolus hostis.

dissidia et rixas argenti pondere et auri

proditione graues molitur alitque fouetque.

Inde uiam tenet exstructam rumore secundo,

siue nouas auro tentat, seu turbida rerum

[27]

735

fusis obductus tenebris exordia sensim

perficit incenditque faces et nubila spargit

inter luctantes animos saeptusque procellis

irruit inque domos sese ilicet arduus infert.

Tandem, post bellum scelerata fraude coortum,

740

rex bellum indicit. Furto conuenta recludit

pacta inter Ligures abiuratamque rapinam

fassus, edax pandit rictum inuisamque superbus

ceruicem adtollens clades et funera anhelat.

Diluit hoc primum tenebras famamque retexit

745

ambiguam populoque ducem testatur amicum.

Hinc ueluti tremefacta graui dum murmure tellus

infernas aperit sedes et pallida hiatu

regna docet uasto rapidam reuomentia flammam,

cum trepidi manes immissum lumen abhorrent.

[128 ^v]

750

Sic patefacta cient regis mandata tumultus,

impelluntque animos uiolentaque proelia miscent.

Belli quippe facem Liguris super arma micantem

Gallica quisque odit. Ligurum quoque nomen abhorret

mixtum transcriptumque nouis insignibus hostis.

755

Vndique iam coeunt populi nec arma uacati

pastores alacres ultro de montibus altis

desiliunt gregis obliti, dum cornua ad aures

increpitant. Qui, Cynthe, tuo stabulantur in axe,

quique propinqua (tuam prolem!) iuga dura frequentant

[28]

760

temporibus sculpti, quoque multo uiuere sueti

uenatu nemorum et sub diuo carpere somnos,

accelerant. Pugnae laudumque cupidine flagrans,

dura pati cursuque pedum bene docta iuuentus

lecta ultra montes propere uenit agmine facto.

765

Iungitur huic acies hominum quibus anxia uirtus,

cura rudisque labor, simul arua ingrata labori,

――――――

128^r, 733 extructum err. V // 737 lactantes err. V // 128^v, 759 frequentatn err. V.