|
|
Lectio XXI
Grammatica
Morphologia:
Coniugatio prima (-are):
activum, coniunctivus praesentis.
Syntactica:
Sententiae desiderativae.
―――――――――――――――――――――
1. |
Diu non cantavimus.
Magister nos appellavit pigros.
|
|
Nunc cantemus!
Seduli simus!
|
2. |
Dominus servum vocat: «He, Lyde! Propera!» Lydus non obtemperat; nam abest. Deinde dominus dominae appropinquat; ei non imperat, sed, quod urbanus est, eam rogat: «Advoces (quaeso) Lydum, Paulina! Mihi non est otium.» Praeterea mandata sua dominae commendat et: «Lydus», inquit, «amicos meos invitet! Sub vesperum mecum cenent! Ne piger sit! Postea prandium mihi ab eo paretur!» |
3. |
Filius in Siciliam migrabit. Itaque mater optat: «(Utinam) semper sanus et validus sis! (Utinam) ne morbis vexeris!» Deinde filius: «(Utinam) multa et pulchra spectem! (Utinam) ne pecunia mihi desit!» Iam filius abest. Saepe pater: «(Utinam) praecepta mea observet!» At mater: «(Utinam) mox sanus remigret!» |
―――――――
De sacrificio ab agricola parato.
Rustici Romani antiqui erant pii. Semper cultum deorum observabant. – Ecce, sacrificium parabitur. Spectemus! Agricola servos convocavit et: «Hodie», inquit, «deis sacrificetur! Hostiae apportentur! Tu, Antonia, eas vittis ornes! Vos, puellae, coronas paretis! Tu, Syre, ad dominam propera: vinum apportet! Sacris etiam vicini intersint! A te invitentur! Post sacrificium nobiscum cenent!» – Paulo post sacrificium paratum est. Tum agricola: «Taciti este! Oremus! – O dei, utinam sacrificium vobis gratum sit! Mihi familiaeque meae adsitis! Curetis armenta mea! Ne inopia frumenti aut aquae vexemur! Satis victus nobis a vobis donetur!»
―――――――
Ora et labora!
―――――――
Inspectio
Advoces puerum!
Amicos invitet!
Seduli simus!
(Utinam) mox remigrent!
Vocabularium
mandatum
prandium
morbus
pecſnia
praeceptum
rſsticus [= agricola]
cultus, -ſs m.
sacricium
vitta
hostia
vīnum
vīcīnus [vīcus]
familia
vīctus, -ſs m. [vīta]
rſsticus, -a, -um
vīcīnus, -a, -um
pius, -a, -um
tacitus, -a, -um
grātus, -a, -um
quaesō
commendāre
cēnāre [cēna]
optāre
observāre
sacrificāre
praetereā
posteā
sub vesperum
utinam
(utinam) nē c. coni.
ecce!
Sicilia
Dictionarium latine-anglice
|