|
|
Lectio XXIV
Grammatica
Syntactica:
Sententiae causales («cum» causale).
Sententiae temporales («cum» temporale).
Sententiae finales («ut/ne» finale).
―――――――――――――――――――――
1. Paulus maestus est; nam a magistro non laudatur (laudatus est).
Paulus maestus est, quod a magistro non laudatur (laudatus est).
Paulus maestus est, cum a magistro non laudetur (laudatus sit).
2. Cum meridies adesset, mater nos ad cenam vocavit. Cum cenavissemus, ambulavimus.
3. Te adiuvo. Ut(inam) te recrees! Ne onustus sis! Ne fatigeris!
Te adiuvo, ut te recrees; ne onustus sis; ne fatigeris.
4. Seduli sumus. Ut(inam) laudemur! Ne vituperemur!
Seduli sumus, ut laudemur; ne vituperemur.
―――――――
De simia gloriosa.
Graeci in cursibus maritimis simias secum portabant, ut iocis earum delectarentur. Aliquando, cum propter magnam procellam navigium in summo periculo esset, una ex simiis de navigio se in aquam praecipitavit. Tum delphinus eam in tergo suo collocavit, ut eam servaret, et: «Praemium», inquit, «non magnum postulo: Narra mihi de te et de vita tua!» Simia ei obtemperavit et lingua gloriosa multas et stultas res de se narravit. Cum orae Atticae appropinquavissent, simia exclamavit: «Ibi nata sum; pater meus incola eius terrae fuit et ibi magnam gloriam sibi comparavit.» Deinde delphinus prope portum eam interrogavit: «Etiamne Piraeus tibi notus est?» Tum simia gloriosa: «Eum», inquit, «non ignoro; nam a pueris amicus meus est.» Tum delphinus iratus simiam in undas iactavit.
―――――――
Inspectio
Eum non ignoro, cum a pueris amicus meus sit. (sententia causalis).
Cum orae Atticae appropinquavissent, delphinus simiam interrogavit (sententia temporalis).
Delphinus simiam in tergo suo collocat, ut eam servet. (sententia finalis).
Delphinus simiam in tergo suo collocavit, ne undis devoraretur. (sententia finalis).
Vocabularium
iocus
nāvigium
tergum
praemium
glōria
ōra
portus, -ūs m. [porta]
ā puerīs
maestus, -a, -um
maritimus, -a, -um
cursus maritimus
glōriōsus, -a, -um
cum c. coni.
iactāre
Attica
Piraeus
Dictionarium latine-anglice
|