|
|
Lectio XXXVI
Grammatica
Morphologia:
Declinatio tertia cum «i»:
substantiva.
―――――――――――――――――――――
1. Inter Africam et Italiam mare Internum situm est.
2. Urbs Roma non procul a mari sita est.
3. Itaque Romani etiam naves aedificabant.
4. Postquam Poenos superaverunt, terras et maria in potestatem suam redegerunt.
5. Etiam oras marium longinquorum occupaverunt.
6. Multa animalia vobis nota sunt, velut equus, cervus, gallina, rana.
7. Etiam homo animal est.
8. In fabula a nobis lecta ranae exemplaria stultitiae sunt.
9. Fames sitisque non diu sustinentur.
10. Hic habeas cibum et aquam, ne fame sitique vexeris!
11. Exple famem sitimque!
12. Mons Vesuvius prope urbem Neapolim situs in numero eorum montium est, qui ignem
evomunt.
13. Primo p. Chr. n. saeculo igni (ignibus) Vesuvii tria oppida deleta sunt.
14. Tum multa milia civium Romanorum sedibus privata sunt.
―――――――
Tegite aves!
Multae avium gentes in finibus nostris sedes suas habent. Multae voce iucunda aures hominum delectant. Itaque homines aves diligunt. Pueri mali nidos avium laedunt. Nos aves colamus et vitam salutemque illorum animalium parvorum tegamus! Occasiones nobis non deerunt. Vim enim hiemis multae aves non tolerant. Fame adductae ad sedes hominum accedunt et misericordiam civium bonorum petunt. Magna avium pars autumno trans colles montesque, trans montes Alpium mariaque alios fines petit. In eo itinere fames et mors avibus imminent. Labore fatigantur et, si vires desunt, cadunt in mare.
―――――――
Cóntra vím mortís non ést medicámen in hórtis.
Sit mens sana in corpore sano!
―――――――
Vocabularium
mare, -is n. [maritimus]
mare Internum
animal, -ālis n. [animus]
exemplar, -āris n. [exemplum]
mīlle, pl.: mīlia, -ium n.
urbs, urbis f. [urbānus]
gēns, gentis f. [genus]
pars, -rtis f.
mors, -rtis f. [mortuus]
mēns, mentis f.
mōns, montis m.
fames, -is f.
sēdēs, -is f.
nāvis, -is f. [nāvigium]
sitis, -is f.
avis, -is f.
auris, -is f.
vīs, vim vī f.
vīrēs, vīrium
cīvis, -is m. [cīvitās]
ignis, -is m.
fīnis, -is m.
fīnes, fīnium
collis, -is m.
Neāpolis, -is f.
Alpēs, -ium f.
Athēniēnsis, -is
occāsiō, -ōnis f.
misericordia
iter, itineris n.
medicāmen, -inis n. = medicīna
redigere, redigō, redēgī, redāctum [agere]
explēre [complēre]
prīvāre [prīvātus]
tegere, tegō, tēxī, tēctum
addūcere
ēvomere, -ō, -uī, -itum
Vesuvius ignem ēvomit
accēdere
Āfrica
Vesuvius
Dictionarium latine-anglice
|