[The Fight at Finnsburh]

Textus:

Finnsburh: Fragment and episode

ed.: D. K. Fry, London 1974

___________________________________________________

. . . . . . . . <hor>nas    byrnadh næfre.»

Hleothrode dha    hearogeong cyning:

«Ne dhis ne dagadh eastan,    ne her draca ne fleogedh,

ne her dhisse healle    hornas ne byrnadh.

5

Ac her forth beradh;    fugelas singadh,

gylledh græghama,    gudhwudu hlynnedh,

scyld scefte oncwydh.    Nu scynedh thes mona

wadhol under wolcnum.    Nu arisadh weadæda

dhe dhisne folces nidh    fremman willadh.

10

Ac onwacnigeadh nu,    wigend mine,

habbadh eowre linda,    hicgeath on ellen,

winnadh on orde,    wesadh onmode!»

Dha aras mænig goldhladen dhegn,    gyrde hine his swurde.

Dha to dura eodon    drihtlice cempan,

15

Sigeferdh and Eaha,    hyra sword getugon,

and æt othrum durum    Ordlaf and Guthlaf,

and Hengest sylf    hwearf him on laste.

Dha gyt Garulf    Gudhere styrde

dhæt he swa freolic feorh    forman sithe

20

to dhære healle durum    hyrsta ne bære,

nu hyt nitha heard    anyman wolde,

ac he frægn ofer eal    undearninga,

deormod hæleth,    hwa dha duru heolde.

«Sigeferth is min nama,» cweth he,    «ic eom Secgena leod,

25

wreccea wide cudh;    fæla ic weana gebad,

heardra hilda.    Dhe is gyt her witod

swæther dhu sylf to me    secean wylle.»

Dha wæs on healle    wælslihta gehlyn;

sceolde cellod bord    cenum on handa,

30

banhelm berstan    (buruhdhelu dynede),

odh æt dhære gudhe    Garulf gecrang,

ealra ærest    eordhbuendra,

Gudhlafes sunu,    ymbe hyne godra fæla,

hwearflicra hræw.    Hræfen wandrode,

35

sweart and sealobrun.    Swurdleoma stod,

swylce eal Finnsburuh    fyrenu wære.

Ne gefrægn ic næfre wurthlicor    æt wera hilde

sixtig sigebeorna    sel gebæran,

ne nefre swetne medo    sel forgyldan

40

dhonne Hnæfe guldan    his hægstealdas.

Hig fuhton fif dagas,    swa hyra nan ne feol

drihtgesidha,    ac hig dha duru heoldon.

Dha gewat him wund hæledh    on wæg gangan,

sæde thæt his byrne    abrocen wære,

45

heresceorp unhror,    and eac wæs his helm dhyrel.

Dha hine sona frægn    folces hyrde,

hu dha wigend hyra    wunda genæson,

odhdhe hwæther dhæra hyssa    . . . . . . . . .