|
|
Theséus de Cologne
|
|
_________________________________________________________
|
|
|
Laisse I
|
L. f.1a | Quant le Roy Floridas l'apr...
Au palais a Paris la y ot...
Par devant Danigobert...
Qui fonda Saint Denis...
|
5 | Et endroit les corps...
Floridas enmena ens...
Sa tresgente mo...
|
Ph. f.2a | Alidone ot a nom la Royne au corps gent.
A Couloingne en fist on une feste moult grant,
|
10 | Floridas y jousta par grant esbatement.
Alidone sa femme ayma moult lyement,
Mais depuis lai haÿt, je vous diray comment
Sy vous plaist a ouir l'istoire plainement.
Floridas de Couloingne qui moult ot hardement
|
15 | Ayma moult Alidone d'amour parffaictement,
Et aussi fist la dame lui tres amoureusement.
Ung an furent ensemble sans avoir nulz enfens.
Puis advainct que Alidone la Roÿne au corps gent
Estoit empres le Roy assise noblement
|
20 | Aux fenestres en hault du palais proprement,
Et faisaient illec ung prive parlement.
Sy advainct que la Royne apperceust clerement
Ung enfent qu'on menoit devant lui trespa(r)sant,
Et le tenoit sa mères par la main doucement.
|
25 | Mais cest enfent estoit d'ung tel estorement
Qui fut nain et bossu contreffait laidement.
Quant la Royne le vyt, si en ryt durement
Et appella le Roy et lui dit simplement:
«Sire,» ce dit la Royne, «je voy la cy venant
|
30 | Le plus très layt enfent qui soit ou firmament,
Voyere si comme je croy, par le mien essient,
Car lait est et bossu fait et villainement.»
|
L. f.1b | Dont dit ung escuier qui l'ouyt ce di ant.
«Dame,» dit y, «filz est de mon hoste Florent,
|
35 | Mais je vous jures Dieu le pere omnipotent
Que son mere est biaux homs et plain de harmement,
Bien fait et hault et droit de beau gouvernement.»
«Certes,» ce dit la Royne, «je ne croy nullement
Qu'ung biaux homs et, bien fait quant il a le corps gent
|
40 | Peust engendrer tel fruit de son engendrement,
Ce n'est par son pechié, je le croy fermement,
Ou femme ce meffait malicieusement.
Et Dieu de son pechié se venge horiblement;
Sy le fault comparer aux enfens bien, souvent.»
|
45 | Ainsi disait la Royne comme vous voix disant,
Dont Dieu se courrouça vers ell surement
|
P. f.2b | Qu'au bout, de l'an ot ung filz, comme dit le rommant,
Sy layt, si contreffait, de tel estorement,
Que tous en furent courroucez et amys et parens,
|
50 | Et si en fut la Royne en paine longuement.
Et pour ce dit le saige qui a raison entend:
Que la fole parole, revient de ant souvent.
|