BIBLIOTHECA AUGUSTANA

 

Theséus de Cologne

vers 1370

 

Theséus de Cologne

 

_________________________________________________________

 

 

 

Laisse II

 

Quant la Roÿne ot dit ce mot et ce langaige,

Le Roy si s'en partit et [g]uerpy l'estage.

55

Puis advainct celui an, ne tenez a folage,

Que le Roy engendra fruit [par droit m]ariage

Dont la dame fut joyeuse en son couraige,

Depuis e ot anuy, perte et grant dommage

Quant elle en delivra ot mainte dame saige.

60

Elle aporta ung filz qui fut layt de corsage,

Bossu et contreffait s'avoit ung layt visaige.

Et elle le volt veoir; quant elle en vyt l'usage

A pou qui ne mourut de despit et de rage,

Et, dit: «Biau Sire Dieu, qui fist l'omme a s'ymage,

65

Or voy que le parler que fiz au fenestrage

Me revient certes trop, cecy a grant oultrage!

L. f. 2a

Bien vouldroye mourir sans avoir plus d'aage:

Jamaiz joye n'aray a port ne a rivage!»

Ses femmes appella d'ung haultain langage,

70

Et puis si leur a dit de langage volage:

«Aler noyer l'enfent la oultre en ce rivage.

Jamais ne vueil user viande ne beuvrage.»

Quant les dames l'ouirent pas ne leur asouage.

Au Roy s'en sont allez pour compter cest oultrage

75

Dont, fut le Roy dolent qui ouyt cest message,

(Y) Ne leur donna mye robbe de drap d'or ne de soye.