BIBLIOTHECA AUGUSTANA

 

Theséus de Cologne

vers 1370

 

Theséus de Cologne

 

_________________________________________________________

 

 

 

Laisse IV

 

En ce point les barons et chevalliers le plus

Parloient de l'enfent qui ot nom Thezéus,

Qui en bonté mectoit son cens et ces argus

120

Et parloit tellement qu'i n'est conte ne ducz

Qui ne deist bien souvent: «Par le Dieu de lassus

C'est pitié et meschief qu'il est ainsi bossus!

Car se y fut parfait homme, contre lui n'alast nulz,

Car il est de grant cens et de grant bien pourveux.»

125

Or advainct en cest temps que l'enfent Thézeus

[...]

Qu'en la court Floridas qui fut Roy esleüz

Avoit ung chevalier qui ot nom Fernagus.

Il estoit Alemant et chevallier cremeuz,

Ph. f.3b

Et l'amoyt moult le Roy, et estoit bien ces drus.

135

Sy advainct que foie amour lui courut ung jour sus

Pour la Roÿne aymer, et tant en fut feruz

Que d'amours la requist, si en fut mal venuz,

Car la gentille Royne quant ouyt ces argus,

Lui jura loiaument que si lui en parloit plus,

L. f.3a

Qu'elle pourchasseroit que y seroit pendus.

Ainsi ce plussieurs femmes a qui on fait telz salus

Respondoient ainsi a tous telz malotrus,

On les lairoit en paix. Mais le temps est venuz

Que s'ung noms s'esbahit, tenus et a cornus.