BIBLIOTHECA AUGUSTANA

 

Theséus de Cologne

vers 1370

 

Theséus de Cologne

 

_________________________________________________________

 

 

 

Laisse VIII

 

265

Le chevallier fut en son cuer bien marris,

Vers la chambre a la Royne c'est a la voye mys.

Sy tost qu'i la trouva, si lui dit par advis:

L. f.5a

«Entendez envers moy noble dame de pris, 

Je vous dis pour certain, ne le creez envis,

270

Que je viens d'ung tel lieu ou le Roy vo maris

Vous a jugie a mort veiant tous ses marchis,

Et dist que Theséus si n'est mie son filz

Et qu'ung nain l'engendra. Si que prenez advis,

Car s'on vous treuve cy, ains qu'il soit midis,

275

Sera le corps de vous essillié et bruys.

Pour une courtoisie que j'euz de vous jadis

Le vous suy venu dire, dont au Roy ay mespris.»

Quant la Royne (l')ouyt ses motz et ses dis,

D'angoisse s'est pasmee, moult fut son cuer faillis.

280

Et quant se redressa la dame que je dis,

A une chamberiere s'escria a hault cris:

«Amie, alons nous ent et laissons le pays!»

Elle print ung mantel qui fu fourré de gris,

Ph. f.5b

Sur son corps le jecta, et puis avec Bietris

285

Yssi hors de la chambre si com je vous dis.

Et tant fut le corps d'elle couroucé et marris.

Qu' elle laissa tous cois les grans et les petis.

Theséus se dormoit sus couvertoir de gris,

Oncques ne le baisa en bouche ne en vis;

290

Tout en fuyant disoit: «Tu es ung ennemis

Pour destruire mon corps en ce monde vuis!

Et mauldite soit l'eure qu'en ce monde nasqu[is!»]

Et quant la dame franche si ot tous ses motz [dis,]

Lors ploura tendrement des yeulx de son [vis,]

295

Et dit: «Ayde Dieu, Pere de Paradis!

Or ay je dy trop mal et a Dieu me[spris;]

Car j'ay bien deservy que j'aye encore [pys]

L. f.5b

Car mauvais fait parler sur l'euvre Jhesucris[t].»