Mortales dominus cunctos in luce creauit.
Vt capiant meritis gaudia summa poli.
Felix ille quidem qui mentem iugiter illuc.
Dirigit: atque vigil noxia queque cauet.
Nec tamen infelix: sceleris quem penitet acti.
Quique suum facinus plangere sepe solet.
Sed viuunt homines/ tanquam mors nulla sequatur.
Et velut infernus fabula vana foret.
Cum doceat sensus viuentes morte resolui.
Atque herebi penas pagina sacra probet.
Quas qui non metuit infelix prorsus & amens.
Viuit: & extinctus senciet ille rogum
Sic igitur cuncti sapientes viuere certent.
Vt nichil inferni sit metuenda palus.
Le roy mort.
Vous qui en ceste portraiture
Veez danser estas divers
Pensez que humainne nature
Ce nest fors que viande a vers.
Je le monstre qui gis enuers
Si ay ie este roy couronnez
Tel serez vous bons et pervers:
Tous estas sont a vers donnes.
|
|
Lacteur.
Rien nest domme qui bien y pense
Cest tout vent chose transitoire
Chascun le voit par ceste danse
Pour ce vous qui veez listoire /
Retenez la bien en memoire
Car hōme et femme elle amoneste
Davoir de paradis la gloire:
Eureux est qui es cieulx fait feste.
 Bon y fait penser soir et main
Le penser en est profitable
Tel est huy qui mourra demain.
Car il nest rien plus veritable
Que de morir / ne moing estable
Que vie domme / on laparcoit
A leul / pour quoy nest pas fable.
Fol ne croit iusques il recoit.
Mais aucuns sont a qui nen chault
Comme si ne fut paradis
Ne enfer / helas ils auront chault
Les livres que firent iadis
Les sains le monstrent en beaux dis.
Aquitez vous que cy passes
Et faites des biens plus nen dis:
Bienfait vault moult es trespasses.
|
|