bibliotheca Augustana

<<< Übersicht <<< vorige Seite nächste Seite >>>

BIBLIOTHECA AUGUSTANA

Konrad von Würzburg

um 1225 - 1287

	Der Trojanerkrieg Die Rückkehr nach Griechenland Aietes gibt Jason Medea zur Frau. Die Verjüngung des Aison. Medeas Rache an Peleus. Jasons Ehebruch und Tod. 10173 - 11390
__________________________________________________________________________________
	Waz hülfe, ob ich nû seite vil von manger hôher wunne spil,
10175	daz im dâ z'êren wart getân? dô man ze bette solde gân, dô sleich er zuo der vrouwen sîn. er und diu werde künigîn mit vröuden al die naht beliben.
10180	die minne si nâch wunsche triben und heten manger bande zal. si lâgen tougen âne schal biz ûf gedranc der clâre tac. Jâson dô langer niht enlac,
10185	er stuont ûf tougenlichen sâ; dar nâch beleip der fürste dâ vierzehen tage ân underbint. des hôchgebornen küniges kint Mêdêâ diu getriuwe
10190	wart im ân alle riuwe zer ê gegeben in der stat, wan er genôte ir vater bat die vrouwen z'eime wîbe dô. der bete wart der künic vrô,
10195	wan er in dô gewerte mit willen des er gerte. Die vrouwe schœne und ûz erkorn gap er dem ritter hôchgeborn ze wîbe und offenlîche z'ê,
10200	diu von im tougenlichen ê beslâfen und geminnet was. er nam z'ein ander unde las sîn ingesinde dô zehant und fuorte gegen Kriechenlant
10205	den schæper und die frouwen sîn. daz diu getriuwe künigîn von ir vater schiet dur in und mit im vuor ze lande hin, daz was ein übel mære,
10210	wan diu vil tugentbære wart sît von im verlâzen. der helt begunde mâzen triuwen sich engegen ir; daz wirt iu noch geseit von mir,
10215	ê disiu rede ein ende neme. swie sêre unstæte missezeme, doch brach er sîne stætekeit. sîn tugent nider wart geleit an der vil küniclichen fruht.
10220	er brach an ir lieb unde zuht, als ir gehœrent wol her nâch. im wart zuo sîme lande gâch, dâ streich er hin mit stæter ger, wan Hercules sîn mâc und er
10225	wurden in gedenke brâht, und wâren ûf den sin verdâht, wie si geræchen beide ir leit und die vil hôhen smâheit, ze Troye vor der stete
10230	in Lâmedon der künic tete, als ich dâ vorne sagete. daz er si dannen jagete, daz lac in allez inne. daz im ein grôz unminne
10235	erboten würde von in zwein, des wâren si beid über ein mit triuwen und mit eiden komen. doch wart daz leben ê benomen Jâsône, des geloubent mir,
10240	ê daz er sich nâch sîner gir gerechen möhte bî den tagen. sîn râche diu wart undertragen mit eime tôde bitterlich. nû merkent, wie daz hüebe sich.
10245	Er was ze Kriechen schiere komen, und dô sîn kunft wart dâ vernomen, dô wart enphangen er sô wol, daz man enphâhen niemer sol baz dekeinen künic doch.
10250	sîn vater lebte dennoch, der Eson was geheizen. in sînes landes creizen vröute sich vil manic lîp; alt unde junc, man unde wîp
10255	von sîner künfte wâren geil. si dûhte ob aller sælde ein heil, daz er den schæper ûz erkorn und eine frouwen hôchgeborn mit sînen kreften hete erstriten.
10260	doch wart er anderswâ geniten, daz er geworben hete alsus. sîn veter künic Pêleus erbunde in dirre wirde. daz er nâch sîner girde
10265	gelac niht under wegen tôt, daz was sîn allermeistiu nôt an herzen und an sinne. er truoc im kranke minne und was im âne schult gehaz
10270	doch hal er tougenlichen daz und tet niht dem gelîche. swaz in Jâsônes rîche was ritter unde frouwen, die fuoren alle schouwen
10275	den hôhen werden prîsant, den gefüeret in daz lant der helt des mâles hæte. prîs unde wirde stæte wart im erboten mit genuht.
10280	er sneit vil hôher êren fruht mit lobelichem schalle. die liute brâhten alle den göten opfer und gebet, dar umbe daz erworben het
10285	ir herre ganze wirdikeit. dur in was allez daz gemeit daz ie dâ vröuden wart gewon, wan daz sîn vater Eson dekeiner wunne mohte pflegen.
10290	sîn hôchgemüete was gelegen in unkrefte manic jâr, wan im daz houbet und daz hâr von alter wâren grîse nâch eines mannes wîse,
10295	der lange zît gelebet hât noch dekeiner wunne rât ze herzen mac gevazzen. daz alter vröuden hazzen von natûre gerne wil;
10300	des mohte keiner hande spil Eson verdulden bî der zît, dô man sich vröute enwiderstrît dur sînes kindes êre. diu tempel wurden sêre
10305	mit opfer dâ gezieret. dâ wart gefestivieret mit kerzen und mit sange wol. dur in wart kurzewîle vol arm unde rîch gemeine,
10310	wan daz sîn vater eine vil kûme leit vrœlich gemach. Jâson und als er daz gesach, daz er sô cranc von alter was und er niht vröuden an sich las
10315	durch die vil hôhen êre sîn, dô truoc er drumbe swæren pîn und inneclichen smerzen. in muote in sînem herzen, daz alle Kriechen wâren dô
10320	von sîner sigenüfte vrô, und niht sîn vater vröute sich von sîner wirde lobelich und durch sîn gelücke hôch. von herzen holt er unde zôch
10325	siufzen vil an eime tage. nû daz Mêdêâ sîne clage erhôrte und in beswæret vant, dô sprach diu schœne sâ zehant: Jason trauert um den Tod seines Vaters. Medea tröstet ihn Herr unde herzelieber man,
10330	wie stât daz iuwern êren an, daz man iuch trûric vinden sol? nû mügent ir doch iemer wol von wâren schulden sîn gemeit, sît iuwer hant die werdikeit
10335	aleine hât ervohten, die niht erstrîten mohten mit ir kreften alle man. kein ritter nie sô vil gewan êren unde wirde als ir.
10340	dâ von sô missevellet mir, daz ir an vröuden sint verzagt. ir hânt mîns vater hort bejagt und alle sîne rîcheit. ich meine daz guldîne cleit,
10345	daz an im der wider truoc, daz wære iu nû gemæze gnuoc, daz ir niht trûric wærent und iuwer clage verbærent, diu mir gît jâmer unde nôt.
10350	Jâson der rede antwürte bôt gezogenlichen unde sprach: frouwe, ich lîde ein ungemach, daz mich betrüebet sêre. mir hânt geboten êre,
10355	die mich êren solten hie. enphangen wart ein künic nie rîlicher in dem lande sîn. sich vröuwet von der künfte mîn arm unde rîch, wîp unde man,
10360	wan daz mîn vater niht enkan von mîner schulde werden geil. daz hât beswæret mich ein teil und an mîner vröude entwegen. er ist von alter siech gelegen
10365	an hôhem muote manigen tac, dar umbe er sich niht vröuwen mac alsam die jungen alle. von mîner wirde schalle kan er gewinnen keinen trôst.
10370	sîn dürrez alter hât gelôst von sîme herzen blüende jugent. er ist an kreften und an tugent verweiset und verarmet. dâ von mich diz erbarmet,
10375	daz beide arm unde rîche sint vrô durch mich gelîche und er vil alters eine sich fröuwet mîn sô cleine, daz er in sorgen wirt gesehen.
10380	möht ez mit fuoge wol geschehen, sô bæte ich gerne, vrouwe mîn, daz iuwer kunst im würde schîn und iuwer hôhiu meisterschaft. ir hânt sô tiefer sinne kraft,
10385	daz ir grôz wunder schickent. ir flehtent unde strickent alle witze in einen knopf. ir hânt den zagel und den kopf der siben liste erkennet.
10390	swaz wîsheit ist genennet, des alles künnent ir ze vil. dâ von ich gerne muoten wil, ob ich mit hulden wol getar, daz ir iuwer helfe dar
10395	ûf mînen vater kêrent und sîne kraft gemêrent mit listen unde sîne tugent. ich meine, daz ir mîner jugent ein teil beginnent ûf in legen
10400	und sînes alters ûf mich wegen geruochent ouch ein cleine. möht ich mit im gemeine die grôzen swære sîn getragen, ich wolte gerne an mînen tagen
10405	ein teil dest alter werden. wie kan mir ûf der erden wird unde lop ze nutze komen, sît mînem vater ist benomen fröud unde hôchgemüete.
10410	ist daz im iuwer güete die stiure und die genâde birt, daz er von iu gejunget wirt, sô wil ich iemer, sælic wîp, iuch minnen für mîn selbes lîp.
10415	Mêdêâ diu gedâhte dô vil tougen wider sich alsô: wie gar getriuwe dirre man dem vater sîn gewesen kan! er öuget an im hôhe tugent,
10420	sît daz er wolte sîner jugent ein teil durch in dem alter geben. ich hân verworht êr unde leben an mînem vater leider, sît ich des widers cleider
10425	enpflœhet sînem lande hân. ez ist vil sêre missetân, daz ich in êren hân verhert und sînen wunneclichen wert des goldes hân enterbet.
10430	dur einen man verderbet hân ich an lobe mîn sippebluot. der sînem künne gerne tuot daz aller beste, daz er kan, er ist ein gar getriuwer man
10435	und ich ein triuwelôsez wîp. sît er nû sînes vaters lîp wil êren hie spât unde vruo, sô sol ich helfen im dar zuo mit kreften und mit sinne.
10440	sus wart diu küniginne verholne des ze râte, daz si dem künige drâte sîn alter wolte büezen mit senften und mit süezen
10445	worten sprach si dâ zehant: herr unde friunt, ich hân erkant, daz ir triuwen künnen pflegen; dâ von sol iu mîn helfe wegen und mîn vil hôhiu meisterschaft.
10450	sît iuwer vater sîne kraft von dem alter hât verlorn, sô wirt er von mir widerborn, an kreften und an jugende. wol unde lange mugende
10455	machet in mîn starker list. swaz dürre an sînem herzen ist, daz wirt von mir hie grüene. getriuwer degen küene, dâ von sô lâzent iuwer leit!
10460	ich tuon in vrœlich und gemeit, als er vor drîzic jâren was. durchliuhtic sam ein saver glas wirt noch sîn wille trüebe. swenn ich mîn zouber güebe
10465	und mîner arzenîe dinc, sô wirt ein vrecher jungelinc wil schiere ûz im gemachet und daz doch niht geswachet wirt an kreften iuwer tugent.
10470	ob ich iu minnert iuwer jugent, durch daz ich mêrte sîne kraft, wer solte mir der meisterschaft und der künste wizzen danc? ouch wirde ich selbe an lîbe cranc
10475	und an vröuden gar dâ mite, swenn iuwer jugent an ir site von mîner schulde würde swach. ich wil ân iuwer ungemach ervrischen alliu sîniu lider.
10480	der jâre kan ich im niht wider gegeben mit der künste mîn, ich lêre in wol gerüeric sîn und erniuwe in als ein gras, daz den winter dürre was
10485	und ze sumer an sich leit ein gelpfez und ein grüenez cleit. Jâson der wart der rede vrô: Mêdêâ diu sprach aber dô: lânt hie niht langer mich entweln!
10490	ûz allen würzen muoz ich weln vil manic krût, des ich bedarf. hie mite si dô von ir warf ir liehten cleider küniclich und zierte mit der wæte sich,
10495	der si bedorfte ûf eine vart. und dô der tac zerstœret wart von der vinsternisse grôz und diu naht her zuo geflôz, dô kêrte sunder melde
10500	diu vrouwe hin ze velde vür die wunneclichen stat nieman gienc mit ir noch entrat ûf den anger liehtgevar und was ez doch sô spâte gar,
10505	daz alliu crêatiure gehiure und ungehiure an ir gemach sleich unde zôch. ûf erden noch in lüften hôch kein lebende sache ruorte sich
10510	und schein der mâne wunneclich dur die wolken alsô clâr, daz man gereite und offenbâr kôs einen pfenninc wol dâ bî. diu vrouwe missewende vrî
10515	begunde sich dâ weiden, hin z'einer wegescheiden gienc si für wildez holz. dâ treip diu küniginne stolz ir künste lâchenîe.
10520	si wolte zouberîe dâ briuwen unde stiften. von swarzer buoche schriften begunde si dâ kôsen. si kunde ir aller glôsen
10525	ergründen und ir volleist; des wart vil manic wilder geist von ir gemüniget und gemant. ein götîn Eckaten genant, diu mit ir meisterschefte pflac
10530	der zouberîe manigen tac, seht, die beswuor si tiure, daz si geruochte ir stiure und ir genâde ir senden, alsô daz si vollenden
10535	möhte ir willen ûf ein ort. si sprach sô vrevelîchiu wort von zouberlichen sachen, daz der walt erkrachen begunde von ir sprüchen
10540	und sich ze wîten brüchen vil herter vlinse dô zercloup. dâ fuor des mâles unde stoup vil manic snelliu windes brût. loup unde bluot, gras unde krût
10545	ir stengel dâ begunden wegen. sich muoste manic tolde regen, dô si lac an ir gebete, daz si gesprochen dicke hete mit vlîzeclicher andâht;
10550	von ir wart z' einem ende brâht, swes man ze lâchenîe darf. vigûren si dâ vil entwarf in fremder forme bilde: si mâlte ûf dem gevilde
10555	vil wunneclicher buochstaben, die si ze helfe solte haben. Nû si des alles vil getreip und ir karaktêres geschreip mit der hende in einen sant,
10560	dô wart ez tunkel sâ zehant und kam ein hagel und ein regen. und dô diz allez was gelegen, dô schein der mâne lieht als ê. noch wart kein vinsternisse mê
10565	von ir zouber dâ bekant. ein wagen der wart ir gesant, den vier snelle tracken zugen, die vor im ûz dem lufte flugen, und in brâhten ûf daz velt.
10570	von sîden was ein rîch gezelt dar ûf gesetzet vaste, daz bôt mit sînem glaste der küniginne liehten schîn. ûf den wagen und dar în
10575	gie si dâ balde sitzen und schuof mit hôhen witzen, daz sich die tracken ruorten und si von dannen fuorten über vels und über tal.
10580	die wîten welte über al ûf dem wagene si durchfuor, wan si die göte alsô beswuor, daz si vollanten ir gebot und ir des hulfen âne spot,
10585	daz si tet wunderlîchiu werc. si vuor ûf manigen hôhen berc und wonte an wüesten velden. zuo wilden œden welden sich diu küniginne huop,
10590	dâ si diu criuter inne gruop, der si bedorfte bî der vrist. si lêrte ir arzenîe list, daz si die besten würze traf, der bluomen und der edel saf
10595	rîlichen kunden arten. si kam ouch in den garten, dâ balsem inne blüejet, und wart dar ûf gemüejet, daz si gewan der bluomen sîn.
10600	diu junge wîse künigîn truoc z'ein ander unde las, swaz ir des mâles nütze was, und îlte wider heim ze hant. Thessaliâ, daz wilde lant,
10605	dâ vil der hôhen berge stât, daz bôt ir helferîchen rât mit reinen guoten würzen. ich wil die rede kürzen: dô si ze Kriechen wider kam
10610	und allez daz mit ir genam, daz si bedürfen solte, die tracken si dô wolte niht lâzen fürbaz in ir pflege. si lie si von der strâze wege
10615	vil balde snurren unde bisen: in was ir altez vel entrisen von der guoten würzen tugent. ein ander hût von niuwer jugent was in gewahsen ûf der vart.
10620	daz schuof mit sîner reiner art der edele und der guote smac, der an dem edelen krûte lac. Medea bereitet einen Kräutertrank Diu frouwe stolz von wîser art ûf dirre kumberlichen vart
10625	hete unmuoze vil gepflegen. si was beliben underwegen tage, als ich ez las. und dô diu küniginne was gestrichen heim ze lande wider,
10630	dô lie sich diu getriuwe nider für die stat ûf einen plân, durch daz die würzen möhten hân luft unde vrische winde. ân allez ingesinde
10635	beleip diu guote aleine. die vremden würzen reine diu schœne sûbert und erlas; swaz unnütze drunder was, beide an bletern und an vasen,
10640	daz warf si fürder zuo dem wasen und hete drûf kein ahte. si tempert unde mahte daz krût mit wîser andâht. ir wart her ûz der veste brâht
10645	ein niuwer haven êrîn. dâ leite si diu kriuter în und mahte ein fiur, waz sol des mê? ein holz, geheizen aloê, was dâ vil schiere enbrunnen;
10650	daz hete si gewunnen ûf der vart des mâles ouch. ez gap vil ûz erwelten rouch und was ir nütze bî der stunt. dô daz holz was angezunt
10655	und enbrennet ûf dem plân, dô wart der haven zuo getân von der küniginne wîs. ein wazzer vor dem paradîs teilet in vier ende sich
10660	an sîme urspringe liuterlich, daz kam ir ouch ze heile. von ieglichem teile ein wênic hete si genomen. ez was mit ir ze lande komen
10665	in vazzen lieht von golde rôt; mit disem wazzer si dô sôt diu guoten kriuter âne smalz. der balsem edel wart ir salz, den warf si drûf mit willen dâ.
10670	von ir gewunnen was ein krâ, diu wol hundertjæric schein; der schedel und des kopfes bein wart zerklecket als ein ei. si brach den gebel ir enzwei,
10675	der alt was unde virne und nam her ûz daz hirne, daz mit ir blanken hende trût wart dâ gemischet in daz krût. Ouch hetes' einen slangen
10680	begriffen und gevangen mit ir lâge stricke, der was vil harte dicke gejunget und gemûzet. erværet und erlûzet
10685	wart er von ir hiute snel; dâ von im sîn altez vel gewarf der übel serpant, und er sich durch ein loch gewant, durch daz er abe zôch den balc.
10690	der grimme tugende blôze schalc was ir under hende komen: sîn herze wart von ir genomen in daz crût rein unde starc. si warf ez drunder unde barc
10695	ein ander arzenîe drîn. diu wol gelêrte künigîn schoup in diu kriuter ûz erkorn ouch eines alten hir zes horn, der in der brunst erslagen was.
10700	nû si z' ein ander diz gelas und in ir haven ez getete, dô wart gesprochen an der stete von ir starker worte vil, der ich iu sagen niht enwil,
10705	wan ich ir aller niht enweiz. si tet dem haven alsô heiz, daz er vil krefteclîche wiel. swaz tropfen ûz dem walle viel, dâ wurden kriuter ûz iesâ.
10710	vil lange was gelegen dâ eins dürren öleboumes rîs, mit dem diu küniginne wîs dâ ruorte ir arzenîe, und dô diu wandels vrîe
10715	den ast her ûz dem havene tete, dô wart er an der selben stete sô grüene von dem saffe guot, daz an im wuohs loup unde bluot und daz diu beide in ganzer kraft
10720	ûf ime dâ schuzzen samenthaft. Der flecke, dâ der haven sôt, der wart betwungen des mit nôt, daz er in vrischiu cleider slouf. der schûm, der ab den würzen trouf,
10725	der schuof, daz er zehant gebar krût unde bluomen liehtgevar und er sich muoste erniuwen. dis arzenîe briuwen Mêdêâ sus begunde.
10730	wan si mê liste kunde, denn alliu wîp besunder. nû si diz fremde wunder getempert ûf ein ende und ez mit blanker hende
10735	ze rehte vollebrâhte, dô hiez diu wol bedâhte bringen ir den künic dar, der von alter was gevar, alsam ein grîsiu tûbe grâ.
10740	vür si wart er gesetzet dâ sanft ûf ein bette linde. si treip daz ingesinde von ir allez in die stat. dem künige siech an kreften mat
10745	bar si dâ blüender tugende hort. si rûnte im einer slahte wort dar in sîn ôren beide, dâ von er zuo der heide viel in marmels und entslief.
10750	gemachet wart ein gruobe tief von der frouwen in den hert, dar über wart der künic wert von ir geneiget und geleit. ein mezzer, daz vil sêre sneit,
10755	gesetzet wart an sînen kragen und im gestochen und geslagen durch ein âder an der keln. alsus begunde si versteln im eine wunden, als ich las.
10760	swaz in im altes bluotes was, daz lie si von im triefen und sîgen in die tiefen gruoben, diu dâ was gegraben, alsô daz er den geist behaben
10765	doch mohte in sînem herzen. er leit den grimmen smerzen, daz er sîn nihtes niht enpfant, wan er entslâfen was zehant von ir worten alsô gar,
10770	daz er des stiches niht gewar an fleische noch an beine wart. er lac von zouberlicher art noch stiller denne ein quâder. nû sîner kelen âder
10775	entrennet wart und offen und ûz im was getroffen daz alte bluote ganz unde gar, dô nam diu küniginne dar den haven bî den stunden
10780	und gôz im in die wunden der tiuren arzenîe saf. und dô diu salbe in êrst getraf und im diu lider sîn durchgienc, dô nam der künic und enpfienc
10785	dar in sîn herze blüende jugent. er was an kreften und an tugent, als er vor drîzic jâren was. geheilet wart er und genas von aller sîner swære dâ.
10790	sîn hâr, alsam ein tûbe grâ, daz wart im sam ein sîde gel und wart sîn runzelehtez vel gestrecket unde schône glat. sîn munt alsam ein rôsenblat
10795	begunde blüejen unde roten. im wart diu snellekeit geboten, daz er spranc rehte alsam ein hirz. daz schuof der arzenîe wirz und daz edele tiure salp,
10800	daz in durchgienc in allenthalp. Nû daz der künic Eson ûz sînem alter und dâ von geslouf mit arzenîe, dô gienc der wandels frîe
10805	mit fröuden in die stat hin wider. im wâren alliu sîniu lider gar lîhte worden unde vrisch. er wart gesunt reht als ein visch, der vert in einem wâge.
10810	sîn sun und sîne mâge die wurden herzeclichen vrô, wan er gienc aleine dô, der ê von knehten wart getragen. er was gereinet und getwagen
10815	von allem itewîze. mit hôher künste flîze tet man sîn trûren under. diz wunderlîche wunder schal über allez Kriechen.
10820	daz von dem alten siechen wart ein gesunder jungelinc, daz dûhte ein alsô wildez dinc, daz beide arm unde rîche dar kâmen algelîche
10825	und diz unbilde sâhen. si sprâchen unde jâhen, ez würde nie gehœret ê noch geschæhe ouch niemer mê kein fremder âventiure.
10830	Mêdêâ diu gehiure kam zu ganzer werdikeit. kam ze ganzer werdikeit. und durchliuhticlicher prîs. sich huop dâ vröude in manic wîs
10835	dur daz wunder zwivalt, daz Eson der künic alt alsus gejunget hete sich und daz der schæper wunneclich von Jâsône wart bejaget.
10840	in hôhem muote was betaget liut unde lant gemeine. daz opfer was niht cleine, daz den göten wart gegeben. man treip dâ wunneclichez leben
10845	und fröude manger hande ze Kriechen in dem lande. Diz wunder daz endunke iuch niht ein gar unmügelich geschiht, wan ez möhte wol geschehen.
10850	man hât der würzen vil gesehen, die tugent heten unde maht. man vindet kriuter maniger slaht, dâ man unbilde briuwet mite. ir eteslichez hât den site
10855	und ist an kreften alsô rîch, daz von im ein tôtiu lîch erquicket möhte werden. kein dinc hât ûf der erden an kreften alsô rîchen hort,
10860	sô steine, kriuter unde wort. der drîer tugent meisterschaft hât als endelôse kraft, daz man niht mac durgründen mit herzen und mit münden,
10865	waz von in wunders mac geschehen. dar umbe darf nieman des jehen, diz mære daz ensî niht wâr, daz diu küniginne clâr von altem ungeverte
10870	ir swæher sus generte. si mohte in machen wol gesunt, sît daz si gar biz ûf den grunt was aller kunst ein meisterîn. waz krûtes edel mohte sîn,
10875	daz was ir ougen wol erkant. si wart in allem Kriechenlant geprîset dur ir wîsheit. man bôt ir ganzer werdekeit und êrte si gar schône.
10880	si wonte bî Jâsône mit ganzer stæte ân underbint, biz si gewan von im zwei kint und man diu werdeclîche erzôch. den grâven und den fürsten hôch
10885	was Mêdêâ willekomen. nû hete si daz wol vernomen und was ir dicke vor geseit, wie Pêleus der künic neit Jâsônen sînes bruoder barn
10890	und er in hiez dar umbe varn nâch der wollen in den wert, daz im der grimme tôt beschert würd alzehant dar inne. un dô diu küniginne
10895	an Pêleô den mein vernam, dô wart diu schœne im alsô gram, daz si gedâhte sâ zehant, si wolte kêren in sîn lant un an im rechen die geschiht.
10900	ouch beite si dâ langer niht: si vuor dar in sîn rîche. des vröute sich gelîche sîn werdiu massenîe und er, wan si mit wunneclicher ger
10905	sâhen daz erwelte wîp, dur daz wunder, daz ir lîp het in ir zît begangen. si wart vil schône enphangen von Pêleô dem wîsen,
10910	der ouch begunde grîsen und alten harte sêre. er bôt ir zuht und êre durch die lobelichen tugent, daz sîn bruoder was mit jugent
10915	von ir sô wol geblüemet. si wart dâ vil gerüemet von im, des solt ir sîn gewis. sîn vrouwe, mîn vrô Têtis, was niht dâ heime bî den tagen.
10920	zwô tohter hete si getragen, die stolze megde wâren. si kunden wol gebâren güetlîche dur die künigîn. si liezen an in werden schîn,
10925	daz si von ir künfte dô von herzen beide wâren vrô. Mêdêâ was in beiden trût. ouch seite si daz überlût dur ein grôze kündekeit,
10930	Jâson der tet ir manic leit und bræche an ir sîn êre gar: dâ von si wære komen dar und wolte dâ belîben, biz er von ir vertrîben
10935	begunde vîentlichen haz. nû si geseite in allen daz, dô wurden si der rede geil. si dûhte ein wunneclichez heil, daz si geruochte dâ bestân.
10940	des küniges tohter wol getân die bâten si dô tiure, daz ir genâden stiure und ir vil starke wîsheit würd ûf ir vater dâ geleit,
10945	der von alter wære grîs. si sprâchen: küniginne wîs und ûz erweltiu vrouwe guot, sît iuwer sinnerîcher muot ob allen witzen schône vert
10950	und unser veter ist genert durch iuwer lobelîche kunst, sô kêrent an uns iuwern gunst und iuwer liste manicvalt alsô, daz unser vater alt
10955	werd ouch von iu gejunget hie. gedenket, daz kein vrouwe nie wart an witzen iu gelîch. sît iuwer helfe künsterîch Jâsône gap des widers cleit
10960	und im ûz alter siecheit sînen vater hât erlôst, sô tuont uns helferîchen trôst, daz unser vater ouch genese und er ein wênic junger wese
10965	an herzen und an krefte. lânt uns der meisterschefte geniezen und der wîsheit, der wunder ist an iuch geleit und gebent im ouch hôhen muot.
10970	wir beide leben unde guot wellen iemer durch iuch zern, ist, daz ir in geruochent nern. Mêdêâ wart der bete vrô, wan si gedâhte, daz si dô
10975	gerechen möhte deste baz an Pêleô, daz er gehaz ir friunde was ân alle schult. gelouben ir der mære sult, daz ir Jâsônes minne
10980	ze herzen und ze sinne lac mit ganzer stætekeit, dâ von diu küniginne leit durch dise untriuwe grôzen pîn, daz Pêleus, der veter sîn,
10985	truoc wider in valsch unde mein. ir frouwen, sprach si zuo den zwein, mich dunket harte mügelich, daz iuwer vater wider mich genieze sîner tugende hôch,
10990	sît ich dâ her durch triuwe vlôch und er mich hie behalten wil. künd ich denn arzenîe vil, diu solte im werden unverseit. mîn kunst diu wirt an in geleit
10995	und alle mîne liste, dur daz ich hie gevriste vor unkrefte sîniu lider. nû dar! gewinnent einen wider, der niht mê vor alter müge
11000	und alsô rehte wênic tüge, daz er vil nâch verdorben sî: dâ wil ich iu bewæren bî, daz ich den künic wol gener, sô daz ich im daz alter wer
11005	und ich mac wol gehelfen im. sîne unmaht ich im benim unde erniuwe im sîne kraft. der rede wurden fröudenhaft die megde wol versunnen.
11010	si giengen und gewunnen schier einen wider ungestalt, der was unmæzeclichen alt und hete sîne kraft verlorn. an im was anders niht wan horn
11015	unde ein hût zæh als ein wide. man hete im alle sîne lide und sîniu rippe wol gezelt. er was von jâren sô verquelt, daz im der lîp was ungesunt.
11020	er gienc dâ schebic als ein hunt bî dem vihe ûf einer wisen. im was diu wolle sîn entrisen und daz vleisch engangen. er wart von in gevangen
11025	und für die küniginne brâht, dâ von wart si dar zuo verdâht, daz er von ir gejunget wart. gefüeret mit ir ûf die vart diu wîse ir haven hæte,
11030	dar inne daz geræte der guoten arzenîe was, dâ mite ir swæher ê genas. Medea gibt dem alten Widder einen Kräutertrank zur Verjüngung Nû daz vür si der wider kam, den haven si dâ schiere nam
11035	und truoc in z'einer heizen gluot. die salben edel unde guot lie si zergên dar inne. diu wîse küniginne gôz ir ûf daz schâf ein teil,
11040	dâ von wart frœlich unde geil der wider sâ ze stunde, wan er zehant begunde sîn alten hût verrêren; ouch hôrte man in blêren
11045	alsam ein jungez lembelîn. sîn vel und daz gemüete sîn erfrischet wurden beide. sîn wolle diu wart reide, als ob si wære alrêrst geborn.
11050	dar zuo begunde ein niuwez horn dô wahsen und enspringen. er wart an allen dingen erjunget und ergeilet. sîn alter was geheilet
11055	durch niuwer arzenîe ursprinc, daz dûhte ein wunderlichez dinc die megde wol bescheiden. seht, sprach dô zuo in beiden diu küniginne wol getân,
11060	als ich diz schâf erniuwet hân, alsô bî namen und alsus wirt iuwer vater Pêleus an sîner kraft gejunget. daz alter, daz in tunget,
11065	daz wirfe ich hie mit künste nider und gibe im sîne jugent wider. Der rede wâren si gemeit, wan si vür eine wârheit dô wizzen beide wolten,
11070	daz si beschouwen solten ir vater junc unde vrô. Mêdêâ diu sprach aber dô: welt ir, daz ich in vrîe mit mîner arzenîe
11075	von allen sorgen manger slaht, sô kêrent über in zenaht, swenn er an sînem bette lige und sô der slâf an im gesige, sô stechent in ze tôde gar.
11080	sîn altez bluot siechlich gevar lânt ûz im allez vliezen, dar nâch beginne ich giezen mîn salp in sîne wunden, sô wirt er an den stunden
11085	schôn unde balde lebende wider, wan sô diu salbe sîniu lider mit ir kraft gefiuhtet, sô wirt sîn herze erliuhtet mit frischer und mit niuwer tugent
11090	reht als er was in blüender jugent. sus geilet er sich danne, ûz einem alten manne mûzet er sich z' einem knaben, des sult ir keinen zwîvel haben.
11095	Diz wart getân und diz geschach. swaz in Mêdêâ vor gesprach, daz tâten si dâ beide. si wâren junge meide und einvaltige frouwen.
11100	des wart von in verhouwen ir vater an dem bette sîn. dô der tac lie sînen schîn und er sich dô geleite, dô slichen si gereite
11105	mit zwein swerten über in. si lêrte daz ir tumber sin und der küniginne list, daz si diu swert dô bî der vrist durch in stâchen alzehant,
11110	und dô der künic des enpfant, daz man in wundet unde stach, dô rief er jæmerlichen: ach, waz went ir wunders ane gân? vil werden tohter mîn, lânt stân!
11115	sint ir unsinnic oder wie? went ir sus mich ermürden hie und rêren iuwer sippebluot? nein, vater, wir tuon des dur guot, sprâchen si dâ wider in,
11120	geloubent, daz sich iuwer sin und iuwer lîp erjungen muoz. iu sol des alters werden buoz an herzen und an krefte. von dirre meisterschefte
11125	wirt iuwer muot vrisch unde vrô. owê mir, sprach er aber dô, sol diz ein arzenîe wesen, sô bin ich iemer ungenesen, wan mir enwart noch nie sô wê.
11130	nâch disem worte er dô niht mê gesprechen mohte noch gesagen. ze tôde erstochen und erslagen wart er von ir henden. alsus begunde er enden
11135	und lac dâ jæmerlichen tôt, als ez Mêdêâ dô gebôt. Frau Thetis und das Volk klagen über den Tod des Peleus Waz tet si dô diu künigîn? die wîle, daz si solte sîn mit arzenîe unmüezic gar,
11140	dô hiez diu frouwe komen dar die wilden tracken und den wagen, der si gefüeret und getragen het in daz küniclîche lant. dar ûf begunde si zehant
11145	heimlichen sitzen unde schiet sô stille von der hovediet, daz nieman ir wart innen. si kêrte mit unminnen swar si dô kêren solte.
11150	dô man des wænen wolte, daz si diu guoten kriuter süte, dâ mite si dem künige büte maht unde kurzewîle, dô was si manic mîle
11155	gestrichen und geriuschet. sus hete si getiuschet mit dem künige Pêleô, daz er verlôr sîn leben dô und er des tôdes wart gewis.
11160	nû daz sîn wîp vrô Thêtis dâ wider heim ze hûse kam und si des küniges tôt vernam, dô wart ir trûren bitterlich, wan si nâch im gehapte sich
11165	erbermeclichen als ein wîp, diu durch ir tôten mannes lîp von schulden weinet unde sent. ouch wurden jâmers dô gewent ir lieben tohter beide.
11170	die hût von herzeleide si zarten von ir bilde clâr und rouften ûz ir gelwez hâr. Sus hôrte man den künic klagen und was sîn rîche bî den tagen
11175	niht erbelôs beliben doch, wan ez lebte dannoch sîn vrecher sun Achilles. geloubent endelîche des, er wonte bî Schîrône,
11180	der in dô lêrte schône und frumeclichen werben. umb sînes vater sterben was im noch harte cleine kunt. nû daz Mêdêâ bî der stunt
11185	im hete alsus den lîp benomen, dennoch enwolte si nicht komen zuo Jâsône wider hein. diu schœne diu kam über ein und wart ze râte des zehant,
11190	daz si wolte fremdiu lant beschouwen und der stete vil, dâ man si lêrte zouberspil dâ vor in blüender kintheit. si fuor des mâles unde reit
11195	durch kurzewîle in manic stift, dâ man ir edel hantgift gap unde rîchen prîsant. dar under wart Jâson gepfant an triuwen und an êren.
11200	dô si niht widerkêren wolt in vil kurzen stunden, dô wart sîn muot gebunden mit niuwer liebe minne, wan er dô sîne sinne
11205	leit ûf ein ander wîp zehant. Grêûsâ sô was si genant und lûhte schône und ûz erkorn. von Thêbân was si geborn und hete mit ir friuntschaft
11210	Jâsônes herze alsô behaft, daz er dur si wart triuwelôs und er sîn êlich wîp verkôs. Er hete gar vergezzen, daz er von ir gesezzen
11215	was in wirde manicvalt und daz er wart von ir gewalt an der wollen sigehaft. daz von ir hôhen meisterschaft sîn vater was in jugent brâht,
11220	des wart vil kleine dô gedâht von sînem valschen muote. im was von ir ze guote geschehen maniger hande dinc: daz übersach der jungelinc
11225	und der ungetriuwe man, dâ von er schaden vil gewan und in kumber wart geleit. daz schuof der minne unstætekeit, die gnuoge wenken lêret
11230	und si dar under kêret in endelôsen smerzen. si wirt vil manigem herzen ein valscher leitesterne. minn ist sô niuwegerne,
11235	daz ir vertâner vürwiz durch ganze liebe manigen sliz kan zerren unde brechen. si solte niht versprechen daz virne dur daz niuwe.
11240	wan er mit leides riuwe sîn liep vil ofte mischet, der alte minne ervrischet und si durch sîne unstætikeit an guoten friunden nider leit.
11245	Swem alte liebe wonet bî, daz der belîbe der niuwen frî, daz wære ein wunneclichez dinc. swâ man den êrsten ursprinc verwehselt an der minne
11250	mit niuwes herzen sinne, dâ wirt daz ende dicke sûr. ez wart nie bezzer nâchgebûr, denn ein bewærtiu friuntschaft. sô niuwez trût an sîner kraft
11255	erblîchet als ein bluome glanz, sô mac ein altiu liebe ganz belîben an ir glaste. swer an der minne vaste kan wenken unde strûchen,
11260	der wil ze jungest brûchen vil swachen solt ze lône. diz wart ouch an Jâsône bewæret und erzeiget: sîn leben wart geveiget
11265	mit einem ende freissam. wan dô Mêdêâ daz vernam, daz er triuw unde stæte an ir gebrochen hæte, dô sprach daz wunneclîche wîp:
11270	nû sol ouch niemer wîbes lîp getriuwen keinem manne mê, sît Jâson wider mich sîn ê gevelschet hât sô sêre. er hât an mir sîn êre
11275	gebrochen und entstricket, des wirt von mir geschicket, daz sîn âmîe sâ zehant enphâhet mînen prîsant, wan ich mîn cleinœte ir gibe.
11280	weizgot, ich næje ir unde wibe ein kleit mit mîner hende, dâ von si beide ein ende enpfâhent und gewinnent und einen tôt beginnent,
11285	der bitter ist und angestlich. sît Jâson hât verkepset mich und ich nie stæte an im gebrach, sô wirt an im sîn triuwe swach gerochen unde sol ich leben.
11290	alsus begunde si dâ weben mit ir henden ein gewant, daz nie sô rîchez wart bekant von golde und ouch von gimmen. iedoch wart ez mit grimmen
11295	sachen underspicket. ein gift wart drîn verstricket mit zouber und mit listen, vor der nieman gefristen mohte sînen lebetagen.
11300	wan swer daz cleit begunde tragen, der wart ze pulver alzehant vil gar versmelzet und verbrant. Diz cleit vil wunneclich gevar daz sante si Jâsône dar
11305	und sîner friundinne. ze krâme und z'einer minne solt ez sîn âmîe hân. ez wart engegen Thêbân gefüeret ûf ir schaden dâ,
11310	wan dô diu frouwe Grêûsâ daz rîlîch und daz schœne cleit het an ir blanken hût geleit als ein unbetrehtic wîp, dô muoste ir wunneclicher lîp
11315	vil schadehaft gesitzen. wan dô diu gift erhitzen der minneclichen briute begunde an wîzer hiute, dô wart daz cleit enzündet.
11320	ez was vil gar durchgründet mit eiterbæren dingen. dâ von die flammen dringen begunden ûz im alzehant. ez wart sô tobelîche enbrant,
11325	daz man daz wunder nie gesach. sîn wildez fiur sluoc in daz dach und allenthalben in daz hûs. dâ wart von hitze jâmers grûs und ein sô rehte michel rôst,
11330	daz für daz fiur dekeinen trôst daz minneclîche wîp gewan. ir lîp ze pulver dâ verbran und nam ein ende schiere. ouch wart Jâson der ziere
11335	verbennet in dem fiure. mit bitterlicher siure wart sîner süezekeite leben dem tôde bî der zît gegeben. Tod Jasons und Creusas Sus nam ein ende bitter
11340	Jâson der werde ritter, der keinen wandel nie begie, wan disen einen, daz er die verkôs durch sîne unstæte, diu gar mit triuwen hæte
11345	geminnet und gemeinet in. daz er sô jæmerlichen hin gezücket von dem tôde wart, daz clag ich durch die reinen art, der an im lac sô rehte vil.
11350	von schulden muoz ich unde wil hie lân belîben under wegen, wie der vil hôchgeborne degen beweinet würde bî der zît. und war Mêdêâ kæme sît,
11355	daz wirt ouch von mir hie verswigen. des heldes clage lâz ich ligen, die man dur in des mâles truoc; wan ich hân anders wol sô gnuoc ze künden und ze sagene,
11360	daz mir niht touc ze clagene Jâsônes grimmeclicher tôt. ich hân mit rede grôze nôt mir selber ûz gesundert, ob mîn noch wæren hundert,
11365	wir hæten kumbers gnuoc dâ mite, daz wir nâch lobelichem site diz werc zeim ende bræhten und ez sô wol bedæhten, daz prîs und êre læge dran.
11370	swie cleine ich aber guotes kan geschicken alters eine, doch ist mîn wille reine und mîn gemüete veste dar ûf, daz ich daz beste
11375	mit allen dingen hie getuo. vil gerne vlîze ich mich dar zuo, daz ich var ûf gelimpfes spor. daz mære, daz ich liez hie vor, daz wil ich aber grîfen an,
11380	wie Jâson der küene man und Hercules gehiezen, daz si des niht enliezen ungerochen under in, daz si von Troye wurden hin
11385	getriben, als ir hânt vernomen. si wâren über ein des komen mit triuwen und mit ræten, daz si noch widertæten die smâheit, die vor sîner stete
11390	in Lâmedon der künic tete.

<<< Übersicht <<< vorige Seite nächste Seite >>>

Der Trojanerkrieg

Die Rückkehr nach Griechenland

Aietes gibt Jason Medea zur Frau. Die Verjüngung des Aison.

Medeas Rache an Peleus. Jasons Ehebruch und Tod.

10173 - 11390

Waz hülfe, ob ich nû seite vil

von manger hôher wunne spil,

10175

daz im dâ z'êren wart getân?

dô man ze bette solde gân,

dô sleich er zuo der vrouwen sîn.

er und diu werde künigîn

mit vröuden al die naht beliben.

10180

die minne si nâch wunsche triben

und heten manger bande zal.

si lâgen tougen âne schal

biz ûf gedranc der clâre tac.

Jâson dô langer niht enlac,

10185

er stuont ûf tougenlichen sâ;

dar nâch beleip der fürste dâ

vierzehen tage ân underbint.

des hôchgebornen küniges kint

Mêdêâ diu getriuwe

10190

wart im ân alle riuwe

zer ê gegeben in der stat,

wan er genôte ir vater bat

die vrouwen z'eime wîbe dô.

der bete wart der künic vrô,

10195

wan er in dô gewerte

mit willen des er gerte.

Die vrouwe schœne und ûz erkorn

gap er dem ritter hôchgeborn

ze wîbe und offenlîche z'ê,

10200

diu von im tougenlichen ê

beslâfen und geminnet was.

er nam z'ein ander unde las

sîn ingesinde dô zehant

und fuorte gegen Kriechenlant

10205

den schæper und die frouwen sîn.

daz diu getriuwe künigîn

von ir vater schiet dur in

und mit im vuor ze lande hin,

daz was ein übel mære,

10210

wan diu vil tugentbære

wart sît von im verlâzen.

der helt begunde mâzen

triuwen sich engegen ir;

daz wirt iu noch geseit von mir,

10215

ê disiu rede ein ende neme.

swie sêre unstæte missezeme,

doch brach er sîne stætekeit.

sîn tugent nider wart geleit

an der vil küniclichen fruht.

10220

er brach an ir lieb unde zuht,

als ir gehœrent wol her nâch.

im wart zuo sîme lande gâch,

dâ streich er hin mit stæter ger,

wan Hercules sîn mâc und er

10225

wurden in gedenke brâht,

und wâren ûf den sin verdâht,

wie si geræchen beide ir leit

und die vil hôhen smâheit,

ze Troye vor der stete

10230

in Lâmedon der künic tete,

als ich dâ vorne sagete.

daz er si dannen jagete,

daz lac in allez inne.

daz im ein grôz unminne

10235