| |
|
-
- D a s n a r r e n s c h y f f .
X V . V o n n a r r e c h t e m a n s l a g
- __________________________________________
- Wer buwen will / der schlag vor an
Was kostens er dar zů můß han
Er würt sunst vor dem end abstan
- Von narrechtem anslag
- Der ist eyn narr der buwen wil
Vnd nit vorhyn anschlecht wie vil
Das kosten werd / vnd ob er mag
Volbringen solchs / noch sym anschlag
- 5
- Vil hant groß buw geschlagen an
Vnd mœchtent nit dar by bestan
Der kunig Nabuchodonosor
Erhůb jn hochfart sich entbor
Das er Babylon die grosse statt
- 10
- Durch synen gwalt gebuwen hatt
Vnd kam jm doch gar bald dar zů
Das er jm feld bleib / wie eyn ků
Nemroth wolt buwen hoch jn lufft
Eyn grossen thurn für wassers klüfft
- 15
- Vnd schlůg nit an das jm zů swær
Sin buwen / vnd nit mœglich wær
Es buwt nit yeder so vil vß
Als vor zyten dett Lucullus
Wer buwen will / das in nit ruw
- 20
- Der bdenck sich wol / ee dann er buw
Dann manchem kumbt sin ruw zů spat
So jm der schad jnn seckel gat /
Wer ettwas groß will vnderstan
Der soll sin selbst bewerung han
- 25
- Ob er mœg kumen zů dem stat
Den er jm für genomen hatt
Do mit jm nit eyn gluck zů fall
Vnd werd zů spot den menschen all /
Vil weger ist / nüt vnderstan
- 30
- Dann mit schad / schand / gespœt ablan /
Pyramides die kosten vil
Vnd Labyrinthus by dem Nyl /
Doch ist es als nůn langst do hyn /
Keyn buw mag lang vff erd hye syn /
|
|