| |
|
-
- D a s n a r r e n s c h y f f .
X L I X . B o s e x ē p e l d e r e l t e r n .
- __________________________________________
- Do werdent kynd den eltern glich
Wo man vor jnn nit schamet sich
Vnd krűg vor jnn / vnd hæfen bricht
- Bos exēpel der eltern.
- Wer vor frowen vnd kynder wil
Von bůlschafft / boßheyt / reden vil
Der wart / das von jnn widerfar
Des glich / er vor jn triben tar
- 5
- Keyn zůcht / noch ere / ist me vff erd
Kynd / frowen / leren wort vnd gberd
Die frowen das von mannen hand
Die kynd von eltern nemen schand
Vnd wenn der appt die würffel leydt
- 10
- So sint die münch zům spiel bereit
Die welt ist yetz voll bœser lere
Man findt leyder keyn zůcht / noch ere
Die vætter sint schuldig dar an
Die frow die lert von jrem man
- 15
- Der sůn / des vatters halttet sich
Die dochter ist der můtter glich
Dar vmb zů wundern nyemans yl
Ob jnn der welt sint narren vil
Der krebs glich wie syn vatter trytt
- 20
- Es macht keyn wolff / keyn lemblin nytt
Brutus / vnd Catho sint beyd dott
Des mert sich Cathelynen rott /
Wis / syttlich vætter / tugentrich
Machen ouch kynder jren glich
- 25
- Diogenes eyn jungen sach
Der druncken was / zů dem er sprach
Myn sůn / das ist dins vatter stadt
Eyn drunckner dich geboren hat
Es darff das man gar eben lůg
- 30
- Was man vor kynden red vnd tűg
Dann gwonheyt / andere natur ist /
Die macht / das kynden vil gebrist
Eyn yedes leb recht / jnn sym huß
Das ærgerniß nit kumm dar vß
|
|