| |
|
-
- D a s n a r r e n s c h y f f .
X C I I I . w u c h e r v n d f u r k o u f f
- __________________________________________
- Die wůcherer fűren wild gewærb
Den armen synt sie ruch / vnd hærb
Nit achtens / das all weltt verdærb
- wucher vnd furkouff
- Dem solt man griffen zů der huben
Vnd jm die zæcken wol ab kluben
Vnd ruppfen die fluckfæder vß
Der hynder sich koufft jnn syn huß
- 5
- Alls wyn / vnd korn jm gantzen land
Vnd vœrchtet weder sünd noch schand
Do mit eyn arm man nützet fynd
Vnd hungers sterb mit wib / vnd kynd
Do durch so hat man yetz vil dür
- 10
- Vnd ist / dann værnyg / bœser hür
Nůn galt der wyn kum zehen pfundt
In eym monat es dar zů kundt
Das er yetz gyltet dryssig gern /
Alls gschicht / mit weyssen / rocken / kern /
- 15
- Ich will vom übernütz nit schriben
Den man mit zynß / vnd gült důt triben
Mit lyhen / blætschkouff / vnd mit borgen
Manchē eyn pfundt / gewynt eyn morgē
Me dann es thůn eyn jor lang soltt
- 20
- Man lyhet eym yetz müntz vmb goltt /
Für zehen schribt man eylff jnns bůch
Gar lydlich wer der juden gesůch
Aber sie mœgen nit me bliben
Die krysten juden / sie vertriben
- 25
- Mit juden spieß die selben rennen
Ich kenn vil die ich nit will nennen
Die triben doch wild kouffmanschatz
Vnd schwygt dar zů all reht / vnd gsatz /
Ir vil sich gen dem hagel neygen
- 30
- Die lachend / vff den ryffen zeygen
Doch gschicht dar gegen ouch gar dick
Das mancher henckt sich an eyn strick /
Wer rich will syn / mit schad der gmeyn
Der ist eyn narr / doch nit alleyn /
|
|