BIBLIOTHECA AUGUSTANA

 

Ulrich Ellenbog

um 1435 - 1499

 

Consilium de ptisi

 

Prologus

 

____________________________________________________________

 

 

 

Uff frittag nach Thome 1480.

Frow Lullin 47 jaur alt hat vor 6 jorn einen plůt wurfft gehept vnd also sider mit husten vil vnflaut vß geworffen. Nun ist itzunt der selbig ußwurff dick grün vn gäl vnd stinkend alß geschwere vnd aitter. Durch soliches diß person am lib ab kummen vnd verzert ietz gantz, ptisica ze latin gehayssen vnd genant, ist nit zwiffel, wo dieser siech mit herttem husten uß wurffet aynen aytter klotzen vnd man den selbigen vff einen lebigen ald lebedigen Kol leget er gebe grossen stanck. Och deßglichen, wo man einen solichen leget ald wurfft yn ein peck mit wasser, er valle gen poden vnd schwyme nit enbor. ditz zway stuck gebent vrkundt mit galber farw, daß diser aßwurff aytter ist, dadurch die prust glider schwerent vnd fulent.

Ze uffenhalt diser gaistlicher frawen hab ich Udalricus Elenbog doctor ditz regement ußgezogen, daß ir uff das aller notigest vnd hochest zu halten ist, wo sy acht lenger begert in disem tal der zacher zu beliben, da merung der genaden ze erwerben etc. wirt diß radtschlag in etlich sundrich cappittel getaylt.