BIBLIOTHECA AUGUSTANA

 

Clara Hätzlerin

um 1430 - 1476/77

 

 

Das Liederbuch

 

Bl. 300v-301r (I, 56)

 

____________________________________________________________

 

 

 

Zumm Newen Jar bin ich beraitt,

Ze wünschn dir, liebs fräwlin zart,

Geluck vnd alle sälikait,

Darzů mein dienst gar vnuerspart.

5

Des solt du gentzlich gelauben mir,

Das ich gantz nach deins hertzen gir

Dir will bestavn vff rechter fartt.

 

Wiewol ich selten by dir bin,

Das sol, zart fraw, nit yrren mich.

10

Du wonst mir stätts in meinem synn,

Des tůt mein hertz dick fräen sich

Deiner gůten wortt so manigualt,

Darzů dein mynneclich gestalt,

Der ich zwavr allzeit gůtz vergich.

 

15

Deszgleichen hoff ich alle tag,

Du haltest mir die triue dein,

So wurd ich gantz erloszt von clag,

Vnd will hinfür dein diener sein

In disem säligen Newen Jar,

20

Das dir gelück nun widerfar.

So wirt erfrät das hertze mein!