Das Liederbuch

Bl. 303r-303v (I, 61)

____________________________________________________________

Ich lob dich für all dis welt

Vnd preis dein wird vnd gůt gestalt.

Sicher mein hertz daran nit velt,

Dein schön vnd Er ist vszgezalt.

5

Vor allen frawen hie vff erd

Geuelst du mir vnd anders chain,

Das machet als dein gůt gepärd.

Zart fraw, dein Er halt ich so werd,

Das ich dir gib das lob allain.

10

Wie möcht mir für sy bas gefallen

Ain frawenpild hie uf ertrich?

Sy ist doch lauter rain on gallen.

Des tůt mein hertz dick fräen sich!

Wann ich es ander lüt hör iehen,

15

So wird ich gantz in fräden frey.

Der sy by schimpff recht tut gesehen,

Mit wavrhait mag sy kainer geschmähen;

Das ist auch zwavr fürwavr also!

Chain schöner pild ich nye gesach,

20

Seid das ich sy von erst erchannt.

Ir friuntlich wort pringt vngemach,

Mein hertz hab ich zu ir gesandt.

In rechter triu vnd anders nit

So will ich, fraw, dein aigen sein.

25

Gar lieplich ich dich darumb bitt,

Das du mir doch wöllest tailen mit,

Zart liebste fraw, den willen dein.