Das Liederbuch

Bl. 310r (I, 76)

____________________________________________________________

Mein aller liebstes, bedenck all triu,

Die ich on rew

Alltag vernew

In gantzer stätter lieb gen dir.

5

Darumb empir,

Mein hordt, was mir

An fräden schadt; des pitt ich dich!

Wann ich chain willen nye gewan,

Obs mir möcht gavn,

10

Das ich wolt havn,

Das dein güt vmb ain har beswärt.

Mein herz das gert

Hewr mer, dann fert,

Deiner gnad; des lasz genyessen mich!

15

Zu diser New, mein höchstes hail,

Das dir ain weil

Das werd ze tail,

Das ich mir wunsch zumm Newen Jar;

So wisz fürwavr,

20

Das du hast zwavr

Vil mer gelücks vnd fräd, wann ich.