Minnereden

Quelle:

Berliner Liederhandschrift mgf 922

(Berlin, Staatsbibliothek)

____________________________________________________________

25.

Lob der Frauen

Fassung IV

[19ra]

Och weer ich als Arestotyles,

vil wail muocht ich mir vreuoden daz!

so woldich al myn wyse leer

wenden in reynen vrouwen eer,

5

daz deed ich duorch die selbe liebe.

sint ich us buoch und briebe

van ym hoirde mannich wonder,

so wil ich reyne wyf by zonder

voer alle creatuoeren prisen,

10

und wilc wail mitter wairheit wysen

daz reyne wyf synt spiegel alre wonnen.

want wes die mane of die zonne

bescreven onder haint van guoede,

daz steit in reynre wyben muoede.

15

Eyn duoldich wyf ist weert vil eren,

want nie keyn vuorsten noch ouoch heren

enworden so stoltz ye van libe,

sy enweren in dienst reynre wybe

und leden duorch sie noit und pyn.

20

yderman deuoch om die syn,

[19rb]

daz hee ir guonste mach bejagen

und guoeden wyben wail behagen.

of mir got der eren guonde

daz ich reynen wyben vuonde

25

zuo dienen mit dem hertzen myn,

so muocht ich billich vreuolich zyn

beyde mit muode und ouoch mit syn.

eyn tzairte wyp der ist gair in

bescheit und eer und dair tzuo steet,

30

so daz sy doch nicht en misdeet

om alt guot daz man ye genant

an vuorsten oft in heren lant.

lof habe wyf, der eren dach!

wyp ist eyn steyn vuor ongemach,

35

wyp ist eyn bloyende rosen rys,

wyp ist mannes paradys,

wyp gepuoert nach reynicheyt

ist alre duoeghden omcleit,

wyp deit sterben und genesen.

40

wie muocht eyn man so druoebich wesen,

sege hee eyn mynnencliche wyp,

dier wol gestalt were ir lyp

und sy dan us hertzen gruonde

lacht mit eynen roten muonde,

45

lies he nicht syn truoeren dan,

her solt nemmermeer gheyn man

heyssen al syn dage,

he muost heyssen eyn blode zage.

so grois eer licht aen vrouwen.

50

duorch wyp ist vechten und houwen,

duorch wyp ist tornoy, ridder spil,

durch wyp ist mange blyscap vil,

durch wyp ist manheit und muot,

durch wyp mange man daz beste duot,

55

duorch reyne wyp hait got die werde

[19va]

gheschaphen hemel und erde.

O wyp, nu lef nach deser leer,

daz duo behaltz dyn wyplich eer,

so bistuo wyp geconformeret,

60

dyn wyflich eer wol ghezieret!

Explicit.