Minnereden

Quelle:

Berliner Liederhandschrift mgf 922

(Berlin, Staatsbibliothek)

____________________________________________________________

26.

Fehde zwischen Amor und Reden

[19va]

Stede myn mit lieplich denchen

dede god selbe eyn vruontlich schenchen.

was die gotlicheit ye gedacht,

daz hait myn in huom gebracht,

5

want myn was god ye und ye

und sal bliben emmerme

eyn vuor daz brant aen lesschen.

syn geluoet de maichde desschen;

da van hait he geformert

10

de werlt gans und geordineert

planeten und daz firmament

und sterren vyl dair yn geprent,

erde, wasser, luocht und vuor

und alle sterflich creatuoer

15

vanden vier elementen gegoessen,

und yn daz firmament besloessen

engelen, geesten und alle wesen.

was ye meyster kuonde gelesen:

meynsschen, beesten, vogele, dieren,

20

vysschen, wormen, was god visieren

cuonde und was her ye geschuoef,

daz waz al tzo des meinsschen behuoef,

want her en schuoef nach sinen gelych

und machten alre kuonsten rych.

[19vb]

ewelich had her ym gegeben

yn den paradyse tzoe leben.

dair dede he weder goeds gebot,

hier om viel op ons daz lot

daz wir al zam weren verloren,

30

ynhed der godsoen userkoren

durch synre lieplicher, steder mynnen,

der hem brande syn hertz van bynnen,

nicht geleden den bitteren doet,

der uns bracht uß alre noot.

35

duos hait uns god duorch myn gegeben

daz wir ewelic sullen leben,

wilwir syn gebode halden,

mit steder mynnen in uns valden

daz eerste: daz wir gode bekynnen

40

mit lieplichen denchen, mit steder mynnen,

mit gansser hertzen zyn und gedacht,

mit wirken, mit al unser zielen kracht.

dinen neesten myn dir selben gelych.

ist dan aldus, sal hemelrych

45

allen meynsschen wol gewerden

der helt dese gebode uff erden.

dez gon ons der hemelssche vader

unde muoß uns mensschen alle gader

beschermen vander helsscher pyn,

50

want wir al zyn eygen zyn!

Ierst soe sprach ich int begyn

daz god duorch synre steder myn

al dinck deyt leben und wesen.

duos merch ich dan yn desen:

55

waz uf hemel, uf erden leeft,

daz ys al nach mynnen zweeft;

[20ra]

want wir syn van mynnen esschen

gemaicht, der nye eyn cuonde gelesschen.

zuolde wir dan wesen sonder

60

myn, daz weer groiß wonder.

dus mynnet engel, mensch und dier,

eyn yeglich nach synre manier.

der engel myn heyst Caritaet

und yst der mynnen hoiste graet

65

der god ye ließ gewerden,

beyde in hemel und uff erden.

dieren haint natuoerlich neygen,

daz ist myn de hen kan dreygen.

om tzuo winnen hoir gelych,

70

gebuoet huon god van hemelrych:

wasset und meret ur geslecht,

ertrych vuolt, et duoncht mich recht;

want yr nicht ewelich muoeget leben,

dair umb ist uch daz gegeben!

75

voirt vindich in des mensschen staet

drie leben vander mynnen grait.

eyn menssche lebet nach der zielen.

dan wil myn begeert vernielen,

alder werlt af scheyden

80

und leben als ermyten leyden.

dander leben ist myn begeren

und wes syn geert, des nicht tzontberen,

und yn wyl nicht gebruychen Reden;

der lebet nach der beesten zeden.

85

daz dritte leben inden mensschen

deit myn und zyn mit reden wensschen

al daz bescheydelich ist und eer

[20rb]

und ist alre dueghden leer.

sy leert den mynre dienen gode,

90

sy leert ym halden zyn gebode,

sy leert gelyche hertzen mynnen.

wanneer sy sich under kynnen,

maicht sy eyn in tzwey und tzwey in eyn,

eyn wil, eyn geer, eyn ja, eyn neyn.

95

sy leert den mynner wesen kuysch,

sy leert ym schuwen al getuysch.

oich leert sy leben ym mit maissen,

sy leert ym alle boesheit haessen,

sy leert herden, in truowen helen,

100

zy leert gerechticheit bevelen,

sy leert vroende und miltheyt,

hoemoet und oitmoedicheyt.

sy leert wesen stede und coen,

vrolich, willich dairs is te doen.

105

sy leert stechen unde tornieren,

steyden, wanderen und vysieren,

sy leert menich vruntlich woirt

dichten, singen mit goeden acoert.

oich so leert zy menige guonst

110

van alre melodyen kuonst,

sy leert wesen vry und vroe

und guot geselschaff singen hoe,

sy leert danssen und springen,

sy leert mit blider hertzen zyngen,

115

sy leert den mynner eyn weynich affen;

mit guotlich, guonstlich, lieplich claffen

leert sy truoerens vyl versenken,

oich leert sy mit liepliche denchen

eyn vil lieplich guot gebeer.

120

in kan uch gesagen meer:

al dair enige duoeght in is,

[20va]

leert de myn, des zyt gewis!

Off dese matery willich sagen

eyn twist, die lange voer minen dagen

125

geviel (und oich velt nu zor tzyt

in menghen lande alsuolken stryt),

tuosschen Reden und herren Amor,

die heeren sint al die werlt doer

und halden beyde gemeen

130

zuo gader landt, borch und leen.

tusschen hon und horen raet

gheviel eyn stryt, also verstaet:

Amor wold Reden daz beduoden

daz Reden sold mit sinen luoden

135

hem huolden und manschap doin.

Reden enwaz dez nye gewoen

zu wesen heren Amor underdenich.

Reden sprach zuo herren Amor wenich:

«ir muost mir dienen ummermeer,

140

suldir haben duoeght und eer.»

dez vuor Amor mit heyssen zynne

zu sinen besten casteel in

daz uff erden hatt her Amor,

und ist genant dez mensschen cor.

145

dair geboet he syn luode zu samen;

die dair nicht waren, balde zy quamen.

nu willich uch sagen der lude eyn dele

de waren in herren Amors casteel.

Amor gaf om onder roeden

150

Cuysch, Scheymd, Stede und Hoeden.

wair her Amor hielt geschairt

mit desen, was he wail bewairt.

Lieplich denchen, Hopen und Tzwivel

oich was dair mede in weys wie vyl,

155

Mays, Truo, Mild, Helen und Herden.

[20vb]

her Viel gepeyns lies nicht gewerden,

he enqueem mit Selden sien und Truoren

und dede hem allen dair besuoeren.

daz velt noch in suolcher tzyt,

160

als lude haben groiß jolyt,

daz dan coomt eyn ongeval

und bedruouort tgeselschap al.

dese waren herren Amors hoeghste raet,

dair he by leyde sinen staet

165

stedenclich in allen uren.

aen daz Vylgepeyns und Truoren

dair waren dicke, dede Selden sien,

huoede om helen lies daz geschien:

dus sietmen selden al deytment node

170

om zo haven rycher huede.

voert had her Amor in syn heer

her Oetmoet und her Eren gheer;

by desen waz her Ootmoet;

daz sietmen dicke wyl wesen guot

175

daz Oetmoet den hoemoedigen dwingt,

daz her nicht zuo ho enspringt.

mit desen quamen dair aen zolt

her Wail bewandelt und her Stolt

und maichten dair grois opsat,

180

om dat sy Schemde dair bat.

her Vry, her Vro, her Guot gesell,

her Wailbewandelt, her Luotslich spel,

her Lieplich gebeer, her Vruontlich af,

her Guotgelays, her Guonstlich claff,

185

dese waren dair by Kuoyssche und Maessen,

wat sy geboden, zuo doen und zuo laessen;

want eyn guot spyl, maiß und kuysch

hasset alle valsch getuoysch.

in kan sy alle nit mit namen

190

genuoemen die by herren Amor quamen.

[21ra]

van oest, norden, west und züden

quamen so vyl guoder luden.

nyman goeders, als ich vernam,

enwaz de dar nicht enquam.

195

Doe her Amor had vernomen

daz hem al syn volc waz comen,

sticht he roef und brant

mit groissen vuor in Redens lant.

nieman in des hemels troen

200

vernam eyn vuor soe groiß, soe schoen,

recht of die werelt zu mael

stuonde in eynen gloeyenden koel:

dasschen stoben, die wolken vlogen,

nyeman cuonde dair mit oghen

205

den andren wol bekinnen.

so brandet daer van bynnen

und soe stoef dair die molde

of die werelt virgangen solde.

duorch den heyssen groissen noot

210

waz vyl nach Reden bleben doet,

aen he ontginc mit den lyve

und virloes synre casteel vive,

de her Amor dede verwaren

mit den volck van synre scharen.

215

daz ierste hies Gevuoelensteyn;

in dem gevuoelde he menich reyn

guotlich cuossen und drucken

mit lieben armen; mocht mir gelucken

in myn leben eyns alsoe,

220

soe wold ich sicher sterben vroe.

Schouowenborch was daz ander casteel

das her Amor wan gheheel.

in deen casteel mochtmen schouwen

guot gelaeß van werden vrouwen

[21rb]

und menich wyplich guot gebeer.

in weys uch waz sagen meer;

al daz inder werelt was,

duorch den casteel sachmen daz.

daz dirde casteel hies Ruychendale;

230

in dem casteel roecht also wale.

Amor beguonde syn hertz tzontpluychen,

so dedent dair die lieben ruychen.

nyen roese, fyole noch muoschaet,

balsam of wortz, also verstaet,

235

cuonden gheben alsulchen lucht

als Amor had van synre vrucht.

Pruonenborch waz daz virde;

ich weys, god selver nye vysierde

zuolcher honich dranch noch spyse,

240

der smachen sulde van suolcher wyse

als deden die roten wangen

de her Amor had bevangen.

mit vruontlich cussen, guonstlich schachen,

mit armen drucken, lieplich lachen

245

custe Amor den zuoessen mont

mee wan hondert dusent stont.

want her heyß und dorst had leden,

cuondmen Amor nicht geseden.

Horenveltz daz vyffte was;

250

Amor hoerde in dem palas

menich guotlich, lieplich woert.

nye hoordmen inder werelt voert

daz deem weer zu gelychen;

noch vedelen noch herpen strychen

255

(ich spreech van spyl der mynnen streel)

vander werelt al geheel

mit guoden zuoessen acoerden

in gelychen nicht den woerden

[21va]

de Amor dair horde sprechen.

260

al weer eyn hertz duorch stechen,

mit suolchen licplichen gruoessen

soldment hem wol gebuoessen.

Amor reyt niet veer van dan,

eyn ander casteel he gewan,

265

unde was daz zeste:

Wayndorp hies de veste.

dair deedmen al das bescryben

wes her Amor plach zuo dryben.

Amor schreyf syn bylt aldair;

270

men vant inder ingel schaer

nye so mynnenclichen belt

als her Amor waz gestelt.

muocht ich nach dem willen myn

eyns noch sien so lieben schyn

275

de mir steet ist indem muot,

ich koert voir alder werelt guot.

doe screyf hem Amor: myn,

meyster alre syn.

nu spricht Reden zuo dem wil:

280

«wir haent zo lange gelegen stil

daz her Amor onse lant

haet geroyft und gebrant.

wir heddent mogen wederstaen

hed wirt in dem beghyn gedaen.

285

wir heddens wol die macht

hed wir uns zo voren bedacht.

nu gehengden wir herren eyns

daz he vuor in vor ons slos.

men sprich: zu vyl gehengen

290

deyt dicke groisse schade bringhen,

oich sprichtmen, het sy bescheydenheit

de dbeghynsel weder steit.

[21vb]

men mach gair mit wil der zielen

natuoerlich neyghen wol vernyelen.»

295

Nach dem so quam eyn ritter,

dem eer waz worden bitter,

und brachtse beyde in eynen vrede.

daz Amor horde noede dede:

hen beyden genuoeghde ritters recht.

300

dair wysde ritter und knecht

daz her Amor sinen staet

regeren solde mit Redens raet,

bis daz verwandelde sich die joegt.

dan sold Amor durch syn doegt

305

huold und manschap Reden doon.

hier mit machten sy de zoen

und leefden beyde bescheydelich voirt.

vyl sprechen ist ongheern ghehoert.

Nota.