BIBLIOTHECA AUGUSTANA

 

Oswald von Wolkenstein

um 1376 - 1445

 

Handschrift B

 

____________________________________________________________

 

 

 

XIII

(HS A 4v-5r, HS B 5v-6r, HS c 14v-15r, Klein 13)

 

I

WEr iſt die da durchleuchtet/

für aller ſunnen glantz/

Vnd keüklichen durchfeuchtet/

uns den uerdorten krantz/

5

Wer iſt die uor an dem rayen fürt den tancz/

Vnd dem uil zarten mayen pringt ſeinen phlancz/

Ein edle junckfrow klar/

die zwar/ für war/ ein ſun gebar/

der keuſchlich ain jr uatter was/

10

mäglichen rain ſy des genas/

ſelb dreyen freyen unitas/

6r

da uon wir ſein getrößt/ erlößt/

uon ſcharpffer helle gier/

 

II

WEr kan die magt uolzieren/

15

nach adeleicher art/

auf erd kain lieber dieren/

zwar nye geboren wart/

ey du traut mīnikliche keuſche creatur/

dein klarhait glentzet angeteuſche über alle figur/

20

recht als der liecht rubein/

an pein/ pringt ſchein/ durchſichtig uein/

ſein undertan ingoldes runſt/

der eren uan mit uollum gunſt/

triuallen/ ſchallen/ ſunder plunſt/

25

ſo wil ich von der zarten/ warten/

gnaden ſchier/

 

III

WEr iſt die ros an doren/

do uon man liſt und ſagt/

und die den groſſen zoren/

30

all über rugke tragt/

wenn ſy uns an dem iungſten tage/ machet los/

aus manigualtiklicher klage/ michel groſs/

wem denn der ſchoſſen ſail/

an mail/ mit hail/ ſchon wirt zu tail/

35

ain drum der hat dich frow erkant/

d'helle phat/ wirt im entrant/

ey klare/ ware/ schildes rant/

erbrich des tiefels ſper/ ſein ger/

uerſetz jm iunckfrow zier. – Amen.