Handschrift B

____________________________________________________________

XIX

(HS A 10r-11r, HS B 8r-9r, HS c 19v-22v, Klein 19)

I

ES iſt ein altgeſprochner rat/

 mer wann vor hundert jaren/

und wer nye laid uerſüchet hat/

wie mag er freud eruaren/

5

auch iſt mir ye geweſen wol/

das hab ich ſchon bezalt für uol/

jnkatlon und yspanien/

do man gern iſt keſtanien/

II

UNd was mein bart von freulin rain/

10

zu Coſtentz hat erlitten/

und mein' taſchen der ſigelſtain/

ward mayſterlich geſchnitten/

es iſt ein vngeleicher ſyn/

ye zwen an ain ziehent jn hin/

15

weder es mir erging zu Arragon/

und jnder ſtat haiſſt pärpian/

III

Der einen uogel vahen müſs/

das er jm nicht emphliege/

der tü jm richten locken ſüſs/

20

do mit er jn betriege/

8v

jn neczn' läczen/

auff dem kloben/

uil edler vogel wirt betrogen/

den ſolche liſt umbgeben/

do von er fleuſſt ſein leben/

IV

Pfeiffen trūmen ſaitenspil/

die moren ſumpern ſlügen/

dortzu ein uolgk gerichtet vil/

die türn und veſtn' trügen/

mit engeln wolgezieret ſchon/

30

die ſungen klungn' mangen don/

ir yeslich' beſunder/

mit fremder ſtymme wunder/

V

ENgegen rait loff arm und reich/

uor ſtaub ſo ward ich haiser/

35

emphangen ward do wirdikleich/

Sigmund künfftiger kayser/

gen parpian all jn die ſtat/

do wart gehaiſſet jm ein bad/

hett man die leck auff goſſen/

40

es hett uns alle verdroſſen/

VI

Von küngen künigin junck und alt/

ward er gegrüſſt mit kuſſen/

doch nach den jungen ſach ich halt/

tet er ſich nymm' wüſchen/

45

wer zwaiung an den frowen gelaint/

wir hetten uns leicht ee ueraint/

wann mit dem peter ſchreufel/

und ſeinem knecht dem teufel/

VII

Zwar lenger ſchwantz kund ich nye ſchowen/

50

an leonen noch an phawben/

wann jndemselben land die frowen/

hinden anden röcken haben/

ring jnden oren nagel rot/

e das jr aine ain hendlin bot/

55

ſy torſt aim E gebietten/

ein ſmutz mit ſüſſem nyeten/

VIII

KÜnig Sigmund teglich zu mal/

ſich arbait achzehn wochen/

mit bäbſten biſchoff cardinal/

60

und wërn' ſy erſtochen/

der ſeinen falſch darjnn erzaigt/

und zuder ſcisma was genaigt/

ich wolt ſy all verklagen/

mit pfeiffen auf einem wagen/

IX

Manig hämiſch liſt ſo ward volbracht/

uon jn mit naigen bucken/

des hab ich offt ein lange nacht/

ain mattras müſſen drucken/

auff ſeinem har het ich kain rü/

70

es was von ainer alten kü/

die was geheiſſen mūme/

das ſagt mir uerdt ein ſtūme/

X

Vnd der von Ötting leutet mir/

gen tag auff meinem kophe/

75

recht als ein rab

eim toten ſtier/

tüt bickn zu dem ſchopffe/

des hab ich jm vil manchen ſtraich/

mit einem ſchüch was nit gar waich/

nach ſein' haut geſmiſſen/

80

das man jm ſach die riſſen/

XI

HErczog uon prig was nicht ein tor/

der lag gefach jnsorgen/

ich ſtünd offt hinden auff E vor/

und zaigt jm güten morgen/

85

des ward mir offt ein herter ſchüch/

geworffen zu mit wildem flüch/

das ich müßt uon jm fliehen/

die deck herüber ziehen/

XII

Zwar diſe mer die weren lanck/

90

hett ich ſy recht beſunnen/

der pawmgart' her fritzen ſchanckt/

eins morgens weihenbrünen/

aus einem kubel vngeſmack/

ſein wang die joppen und leylach/

95

merket er jm von gelwen ſtreimen/

das ſolt her fricz reymen/

XIII

Wenn ich der groſſen gloggen klangk/

hort nach der zal erklingen/

ein kurtzeweil ward mir ze lank/

100

und luſt mich klain zu ſingen/

ich docht du faiges glöggelin/

und wër ich auff dem Wolkenſtein/

mit herren und geſellen/

zwar ich forcht klain dein ſchellen/

XIV

DErselben ſturmglogken ſchal/

iaucht mich mit jrem ſumppern/

das ich ein ſtiegen uiel zu tal/

in ſeuberlichem pumpern/

do vand ich meinen hrn' ſtän/

110

inseinem harnaſch als ein man/

umbegürt mit ainem ſwert/

ſich hüb ein wilds geuërt/

XV

Mein güter ſtrich der rewt mich nicht/

uon guldin was ſein name/

115

ſeyd das die kriſtenhait verricht/

iſt worden zu narbane/

herczog uon prig Biſchoff uon Rig/

groſs Graf künig Sigmunds ſig/

was euch empholhen eben/

120

der lon wirt euch gegeben/

XVI

Vnd allen den die harnaſch ros/

zu letze dort haben geläſſen/

ouch ob jr kainer durch ein moſs/

müſſt walten in der ſträſſen/

125

die haben all genad davon/

ob ſy mit andacht geren gän/

von meinē örſſen alln/

ſo bracht ich ouch drithalben/

XVII

ZWar peterlin du böſe kacz/

130

ain kind mit falſcher lawne/

dir hat geuält der alte glacz/

ich hort zu Affiane/

ein brief uon künigen hern' lant/

die vor an dich geloubent hand/

135

die pfeiffent dir mit grillen/

zu tantz auff ainer tyllen/

XVIII

Des trat wir die proceſſion/

ze hauffe mit gedrange/

mit pfeiffen trūmen gloggen don/

140

und löblichem geſange/

des nachtes ward der tancz berait/

ſecht do ward petro glatz uerklait/

uon macher ſchönen dieren/

mit ſpringen vnd hofieren/

XIX

Zwar alle ding verkert ſich knawſs/

der ſtrich leit mir jm ſynne/

ein ander füret zwen hinaus/

ſo lieſs ich ainen dynnen/

der gieng zu rund umb meinen leib/

150

uil mancher nympt ein edel weib/

er deucht ſich wol gehewer/

wurd im ſo vil haimſtewer/

XX

NOch iſt es als ein klainer tadel/

ſeyd mir die ſchöne Margarith/

155

ſtach durch die oren mit der nadel/

nach jres landes ſitte/

dieſelbe edle künigin/

zwen guldin ring ſloſs ſy mir dryn/

und ein in bart uerhangen/

160

alſo hieſs ſy mich prangen/

XXI

Ain edler nam ward mir gelesen/

wiſſkunte von türkey/

uil manger wont ich ſey geweſen/

ain haidniſcher frey/

165

möriſch gewant von golde rot/

kunig Sigmund mirs köſtlich bot/

dorjnnen kund ich wol ſwantzen/

und haidniſch ſingen tanczen/

XXII

Zu parys manig tauſent mentzſch/

170

jnhewsern gaſſen wegen/

kind weib und man ein dick gedenns/

9r

ſtünd wol czwo gancz lege/

die taten alle ſchowen an/

künig Sigmund Römiſchen man/

175

und hieſs mich ain lappen/

jnmeiner narren kappen/

XXIII

Die nacio uon aller ſchüle/

mit iren guldin bengel/

erten jn auf ſeinem ſtüle/

180

noch höher dan ein engel/

und yede ſchule beſunderlich/

die lobt jn ſicher maiſterlich/

inainem groſſen ſal/

studenten maiſter ane zal/

XXIV

Auf bayden knyen ſo lernt ich gän/

jnmeinen alten tagen/

zu fuſſen torſt ich nicht geſtän/

wolt ich ir nahen pagen/

ich mein frow elſt uon frankereich/

190

ein künigin gar wirdiklich/

die mir den bart von handen/

verkrönt mit aim dyamanden/

XXV

Jngroſſen waſſern michel uiſch/

facht man mit garnen ſtrecken/

195

des ward mir geldes auf ein tiſch/

wol fünfthalb groſſer ſecke/

künig Sigmund follet mir/

den ſtrich mit manchem plancken zier/

was ich an als verzagen/

200

ſelb dritt newr mocht ertragen/

XXVI

Crafft not mich dar vermüt/

uon dannen müßt ich reitten/

künig Sigmund das edel blüt/

ſchüff pald ich ſolt nicht beitten/

205

uon parys bot er mir die hand/

und ſigelt vber jn Engelant/

die künige ze verainen/

antzu ich das maine/

XXVII

Uber all die franczos breys ich ain/

210

getrewen permafoya/

des frümkait dunkt mich ſicher rain/

der edel von Sophoya/

das wort er von des kaysers hand/

ain herczog wirdiklich genant/

215

do manicher an den ruggen/

uil mit des ſtüles bruggen/

XXVIII

Wie vil ich hör ſing und ſag/

den louff der werlde ſtreyme/

ſo iſt recht andem jüngſten tag/

220

ein watsack als ein rieme/

ein glogghaus gilt ein eſſich krüg/

dient wir der ſel nach jrem füg/

das ſy wër unbetwungen/

ſo hett ich wolgeſungen/